Сазтамак авылында Байлангар мәдәният йорты хезмәткәрләре Тимерюлчылар көне уңаеннан «Ка... — 4 августа 2026 г. в 10:39:30.899
Сазтамак авылында Байлангар мәдәният йорты хезмәткәрләре Тимерюлчылар көне уңаеннан «Капка төбендә кич утыру» дип исемләнгән җылы һәм күңелле чара оештырды. Бәйрәмдә 33 елдан артык тимер юл тармагында намуслы хезмәт куеп, лаеклы ялга чыккан Гүзәлия Шагабиева хөрмәтләнде. Аңа рәхмәт сүзләре җиткерелде, истәлекле бүләкләр тапшырылды һәм бәйрәм белән тәбрик ителде. Кичәдә авыл халкы бергәләп аралашты, татар халкының күркәм гореф-гадәтләрен искә төшерде. Тальян гармун моңнары яңгырап, җырлар башкарылды, чәй табыны артында җылы хатирәләр белән уртаклаштылар. – Бүгенге кичәне бик күңелле үткәрдек. Татар халкының матур традицияләрен саклап, шулай бергә җыелып яшәргә язсын. Авыл өстенә таралган тальян гармун моңнары күңелләрне айкап алды, вакытның үткәне дә сизелмәде, – дип уртаклашты Байлангар мәдәният йорты директоры Минзәлия Әһлиуллина. Чара авылдашларга күтәренке кәеф бүләк итеп, буыннар арасындагы бәйләнешне һәм милли гореф-гадәтләрнең әһәмиятен тагын бер кат искәртте. Источник: https://max.ru/hezmetdani