СЛАВЯН БИЧИК-БИЛИК ЛЕ КУЛЬТУРАНЫҤ КӰНИ — 25 мая 2026 г. в 05:03:06.292
СЛАВЯН БИЧИК-БИЛИК ЛЕ КУЛЬТУРАНЫҤ КӰНИ Кажы ла јыл кӱӱк айдыҥ 24-чи кӱнинде Славян бичик-биликтиҥ ле культураныҥ кӱни ӧткӱрӱлӱп јат. Бу байрам славян бичик-биликти тӧзӧгӧн агару апостол карындаштар Кирилл ле Мефодийдиҥ эземине учурлалган. Россияда бу байрам 1863 јылдаҥ – кириллица тӧзӧлгӧнинеҥ бир муҥ јылдыгынаҥ ала ӧткӱрӱлӱп јат. Агару Кирилл ле Мефодий – славян таныктӧстиҥ тӧзӧӧчилери, кудайлык бичиктерди грек тилдеҥ славян тилдерге баштапкы катап кӧчӱрген улус, христианствоныҥ јарлыкчылары. Славян православиеде олорды апостолго бодолду Словенский ӱредӱчилер деп адап јат. Бу байрамга учурлай кӱӱк айдыҥ 24-чи кӱнинде бистиҥ ороонныҥ бастыра талаларында јӱзӱн-башка мероприятиелер ӧткӱрӱлӱп јат. Олордыҥ тоозында Кирилло-Мефодиевский кычырыштар. Бу кычырыштарда филологтор бӱгӱнги кӱнниҥ филология билимниҥ ле ӱредӱниҥ курч сурактарын шӱӱжип јат. Кажы ла јыл Москвада Кирилл ле Мефодийдиҥ адыла адалган Патриарший кайралла орус литератураныҥ ӧзӱмине јаан камаанын јетирген бичиичилер кайралдадат. Анайда ок, кӱӱк айдыҥ 25-чи кӱнинде Россияда филологтордыҥ байрамы ӧткӱрӱлӱп јат. Бастыра филологторды профессионал байрамыла уткуп турубыс!