⁉️Кыямәт көнендә пәйгамбәрләр кемгә көнләшерләр? — 3 июня 2026 г. в 05:15:49.508
⁉️Кыямәт көнендә пәйгамбәрләр кемгә көнләшерләр? Гомәр (р.г.)дән риваять ителә, Аллаһы илчесе ﷺ әйтте: «Дөреслектә, Аллаһының коллары арасында пәйгамбәр дә, шәһит тә булмаган кешеләр бар. Әмма Кыямәт көнендә аларның Аллаһы хозурында ия булачак дәрәҗәләре сәбәпле, аларга пәйгамбәрләр дә, шәһитләр дә көнләшерләр». Сәхабәләр сорады: «Әй, Аллаһы илчесе! Бу кешеләр кем соң?» Пәйгамбәребез ﷺ җавап бирде: «Алар туганлык яки дөнья малы өчен түгел, ә бары тик Аллаһ ризалыгы өчен бер-берсен яратучы кешеләр. Аларның йөзләре нурланып тора. Дөреслектә, алар нур өстендәдер. Башка кешеләр куркып торганда, алар курку кичермиләр. Башка кешеләр кайгырып торганда, алар кайгырмыйлар». Шуннан соң Аллаһы илчесе ﷺ бу аятьне укыды: «Әгаһ булыгыз: Аллаһының вәли(дус)ларына курку юк һәм алар кайгырмаслар» (Юнус сүрәсе, 62). 🕌Әниләр мәчете. Языл: ВК https://vk.ru/club236052240 МАХ https://max.ru/mechet_eniler