Мөхәррам ае – Ислам календаренең иң беренче ае һәм шулай ук харам айларның берсе. — 16 июня 2026 г. в 05:54:18.973
Мөхәррам ае – Ислам календаренең иң беренче ае һәм шулай ук харам айларның берсе. 🌙Мөхәррәм аеның фазыйләтләре һәм аның изгелекләрен күрсәтеп, Аллаһының Расүле ﷺ болай дигән: «Рамазаннан соң тоткан иң хәерле ураза – Аллаһының ае булган мөхәррам уразасы». ✅Әбү Бәкер (радыяллаһу ганһе) Пәйгамбәребезнең ﷺ мондый сүзләрен китергән: «Елда унике ай бар. Аларның дүртесе харам (тыелу) айлары. Өчесе рәттән килә: зөлкагъдә, зөлхиҗҗә, мөхәррам һәм дүртенчесе – җөмәдәл-ахыр белән шәгъбан арасында булган раҗәб ае». ✅Харам айлары тыелу айлары дип атала. Әгәр дә ел буена гөнаһ, харам гамәлләр эшләү тыелган икән, ошбу дүрт айда аларның харамлыгы, гөнаһы тагы да арта. Шуңа күрә дә Аллаһы Тәгалә: «Боларда [гөнаһ эшләү һәм гыйбадәтләрне кире кагу белән җаныгызны җәһәннәмгә атып] үз-үзегезгә золым итмәгез», – дип әйтә. «Әт-Тәүбә», 9:36 ✅Мөхәррам аеның 10 нчы көне – бу айның иң мөбарәк, олуг көне. Бу көн Гашурә көне дип атала. Гашурә көнендә ураза тоту Расүлебез ﷺ сөннәте. Хәбәр ителгәнчә, Пәйгамбәребез ﷺ Мәдинәгә һиҗрәт кылганнан соң, андагы яһүдиләрнең бу көндә ураза тотуларын күргән. Моның сәбәбен сорагач, алар Пәйгамбәребезﷺ бу көнне Муса галәйһиссәламнең халкы белән фиргавеннән котылуын һәм фиргавеннең һәлак ителүен әйткәннәр. Моңа Расүлуллаһ ﷺ: «Без Муса галәйһиссәламгә тагын да якынрак» – дип, шушы көндә мөселманнарга да ураза тотарга кушкан. Мөхәррамның 9 нчы һәм 10 нчы көннәрендә яисә мөхәррамның 10 нчы һәм 11 нче көннәрендә ураза тоту дөрес була. ✅Мөхәррам ае мөселманча яңа ел башлану ул, дидек. Димәк, без тормышыбызны яңадан, яңа биттән башлыйбыз. Яңа елга аяк басканда үткән елда кылган гамәлләребезгә күз салу, аларга бәя бирү гадәтен кертсәк иде. Һәрбер кешегә үз-үзенә хисап бирү мөһим. Тугры хәлиф Гомәр бине Әл-Хаттаб (радыяллаһу ганһе): «Сезгә хисап кылынганчы, үз-үзегезгә хисап кылыгыз. Гамәлләрегез үлчәнгәнче, үзегез гамәлләрегезне үлчәгез», – дип әйткән. ✅Аллаһы Сөбеханәһу вә Тәгалә кылган гамәл-гыйбадәтләребезне кабуллардан әйләп, булган хата-кимчелекләребезне, гөнаһларыбызны гафу итсә иде.🤲🏻 🕌Әниләр мәчете. Языл: ВК https://vk.ru/club236052240 МАХ https://max.ru/mechet_eniler ТГ https://t.me/mechet_eniler