О, АХУЫРГӔНӔГ!
О, АХУЫРГӔНӔГ! Кӕд рухс ӕфтауыс сабиты дунемӕ, Уӕд цу рӕстудӕй, хуры тынау семӕ! Сӕ гыццыл артмӕ бафтау уды зынгтӕ: Сӕ хъызт зымӕг сын хъарм кӕнӕнт дӕ сугтӕ! Ды,арвы дуарау, байгом кӕн дӕ зӕрдӕ: Сӕ хъысмӕты мад, зон ӕй, ныр ды кӕй дӕ! Сӕ "хуымгӕнды" зӕрин мыггаг тау семӕ: Цӕмӕй ӕмбӕлой фидæныл хуынтимӕ! Ныфс бавӕр уарзгӕ, мингай хъарм зӕрдӕйы: Фӕлмӕн хъуыдыйӕ, цъити дӕр ӕртайы!.. Ссарын базон САБИТЫ "ЦЫКУРА",- Цӕмӕй сӕ дуне демӕ - цинтыл дзура!.. Дӕ хьуыды сын уӕд, мады гуылау - адджын! Цӕмӕй сӕ фӕззӕг уа, дӕ хортӕй - барджын!.. Дӕ "ЗОНДАБИТӔН" у фӕрнӕй ӔМБӔЛЦЦОН! Дӕ "АЛДЫМБЫД" сын, сом бон уӕд - ӔЛУТОН!.. Гӕджынон - Хабӕты Риммӕ.
162 просмотров