🌿👩🏻😍 «Айыы-тутуу ситимнээх, олоҥхо утумнаах Ытык Бүлүү уйгулаах ыһыаҕа» чэрчитинэн ... — 20 июня 2026 г. в 12:02:06.670
🌿👩🏻😍 «Айыы-тутуу ситимнээх, олоҥхо утумнаах Ытык Бүлүү уйгулаах ыһыаҕа» чэрчитинэн Бүлүү култууратын эйгэтигэр 20 сылтан итэҕэһэ суох үлэлии сылдьар үлэһиттэр ортолоругар «Бүлүү улууһун култууратын Далбар Хотуна» күөн-күрэс буолан ааста ☀️ Ол курдук, 5 түһүмэхтэн турар күрэххэ Бүлүү, Халбаакы, Чинэкэ, Бороҕон култууратын үлэһиттэрэ кэлэн күрэхтэстилэр. Манна дьүүллүүр сүбэ Далбар хотуттар бэйэ билиһиннэриилэрин, талааннарын, таҥастарын-саптарын, сатабылларын уонна дьоҕурдарын сыаналаата. Бары түһүмэхтэргэ инники күөҥҥэ сылдьан «Бүлүү улууһун култууратыр Далбар хотуна» үрдук ааты Бороҕон нэһилиэгиттэн Анна Дмитриевна Каратаева ылла уонна 25 000₽ Кылаан бирииһинэн наҕараадаланна 👏🏻😍🌿 Күрэх кыттыылаахтарыгар барыларыгар анал ааттары иҥэрдилэр, өйдөбүнньүк бэлэхтэри туттардылар.