💠 *Туймаада Ыһыаҕар Сыа Бүлүү, Ытык Бүлүү Дорҕоонноох Түһүлгэтэ*👏 — 28 июня 2026 г. в 02:58:40.916
💠 *Туймаада Ыһыаҕар Сыа Бүлүү, Ытык Бүлүү Дорҕоонноох Түһүлгэтэ*👏 🌿 Аар баҕах Улуу Туймаада ыһыаҕын киэҥ-куоҥ түһүлгэтигэр, Саха сирин киинэ – Бүлүү улууһун ытык аана үөрүүлээхтик аһылынна!👏 Сырдык сүүрүктээх Бүлүү эбэбит биэрэгэр төрөөбүт-үөскээбит, хотой оройунан уйаланар Бүлүүм дьоно, биир дойдулаахтарбыт, бары аҕа саастаахтарбытыттан эдэр ыччакка тиийэ, тоҕуоруһа мустаннар, иллээх-эйэлээх эҕэрдэлэрин этистилэр. 🌿 Айыылартан айдарыллыбыт, ытык алгыс тыынын ыланнар, дууһалара сырдыыр, санаалара чэбдигирэр буолан, истиҥник кэпсэтэн, бэйэ-бэйэлэрин өйдөһөн, Сахабыт сирин киэн туттар чаҕылхай сулустарын биир дойдулаахтарын ырыаларын-тойуктарын истэннэр, ис сүрэхтэриттэн астыннылар, дуоһуйдулар, дойдуларын ытык тыынын-салгынын ылынан, күүһүрдүлэр👍. 🌿Кэлбит ыалдьыттары Бүлүү улууһун уонна Бүлүү куоратын дьаһалтатын үлэһиттэрэ ытык ыалдьыттары көрсөр курдук, минньигэс алаадьынан, саары собонон, сыалаах этинэн, сылгы үүтүн сүүрүмэтинэн – ытык быырпаҕынан күндүлээтилэр👍👏. 🌿Бу ытык тэрээһин арыллыытын, алгыһын, кэрэхсэбиллээх конкурстарын, күүстээх күрэхтэрин Егор Степанов -Кылаан Кындыл, М. Жирков аатынан улуустааҕы Култуура Киинин, Н. Ылахова аатынан "Алгыс" киинин, Дьөккөн нэһилиэгин кулуубун талааннаах үлэһиттэрэ уонна Дьокуускай куоракка үлэлиир Бүлүү улууһун землячествотын актива сүрдээх таһаарыылаахтык тэрийдилэр👏👍. 🌿Биир дойдулаахтарбыт - Саха эстрадатын чаҕылхай сулустарын кэнсиэрин Саха Өрөспүүбүлүкэтин норуодунай артыыстара Екатерина Алексей Егоровтар тэрийдилэр 👍 Кинилэр бука бары үҥкүүнэн-ырыанан, тойугунан-хоһоонунан Бүлүү түһүлгэтин өссө киэргэтэн, олох дьоһун түгэннэрин бэлэхтээтилэр, үрдэттилэр👏. 🌿Бүлүүм – үйэлэргэ уйгулаах, кэнчээри кэскиллээх, үлэһит дьон дойдута! Уруй! Айхал! Туску!👏✊ Видео @Faina2329 👍 https://max.ru/id1410005124_gos