Убаастабыллаах Бүлүү улууһун олохтоохторо, Сахабыт сирин бар дьоно бу буолбут түбэлтэҕэ... — 21 августа 2026 г. в 05:23:16.489
Убаастабыллаах Бүлүү улууһун олохтоохторо, Сахабыт сирин бар дьоно бу буолбут түбэлтэҕэ күүс-көмө, тирэх, өйөбүл буолуохтара диэн көрдөһүү сурук ыытабыт. Атырдьах ыйын 19 күнүгэр Бүлүү улууһун кытыы сытар Кыргыдай нэһилиэгэр күнүс 1 чаас саҕана киһи өйүгэр баппат быһылаан, чааһынай дьиэ, астаах-таҥастаах ампаар олоччу уокка былдьанан күл көмөрүнэн, хара хоруонан бүрүлүннэ. Ивановтар дьиэ кэргэттэрэ кыстык чугаһаабытын кэннэ туох баар маллара-саллара, докумуоннара барыта уокка былдьанан ытыс соттон хааллылар. Уот күүдэпчилэнэн дьиэни көрүөх бэтэрээ өттүгэр салаан кэбистэ. Нэһилиэк дьоно ким туох кыахтааҕынан сүүрэн-көтөн, илии-атах буолан уоту умуруора сатаатыбыт да кыаллыбата. Билигин кинилэр быстах кэмҥэ аймахтарыгар бааллар. Кыстык саҕана туга да суох туран хаалбыт дьоммутугар ким туох кыахтааҕынан (харчынан, таҥас-сап, бородуукта, туттар тэрил уо.д.а.) көмөлөһүөххэ, өйөбүл буолуохха диэн ыҥырабыт. ✅Харчынан көмөнү бу нүөмэрдэргэ ыытыахха сөп: 8967 925-02-33 Банк-Россельхозбанк, Иванова Марина Лазеровна, 8965 998-89-00 Сбербанк, Иванов Анатолий Лазерович ✅Ким аадырыстаан баһыылка ыытааччыларга: Бүлүү улууһа Кыргыдай нэһилиэгэ 678212 "Киһи киһинэн олорор" диэн бэргэн этиигэ олоҕуран бар дьоммут көмөлөһүөхтэрэ диэн бүк эрэнэн барҕа махталбытын тиэрдэбит. Кыргыдай нэһилиэгин олохтоохторо🙌🏻