🎨🖌️Балыыһаҕа Бэрдьигэстээхтээҕи оҕо искусствотын оскуолатын үөрэнээччилэрин быыстапка... — 5 марта 2026 г. в 07:29:42.532
🎨🖌️Балыыһаҕа Бэрдьигэстээхтээҕи оҕо искусствотын оскуолатын үөрэнээччилэрин быыстапкаларын сэргии көрдүм Балыыһаҕа кырдьан хам-түм көрдөрүнэ сылдьар буолан эрэбин. Онно Бэрдьигэстээхтээҕи оҕо искусствотын оскуолатын үөрэнээччилэрин быыстапкалара турбута, миэхэ сонун курдук буолла. Академик Афанасий Осипов чыпчаал уруһуйдарын курдук, араас дойдулар хайаларын оҕолор уруһуйдаабыттар. Ол иһигэр Саха сирин хайалара бааллар. 1996, 2000 да сылларга үөрэммит оҕолор уруһуйдара бааллар. Анныгар уруһуй уонна автор аата-суола, сыла суруллубут. Мин саныахпар, дьон-сэргэ саамай тоҕуоруһар, кэлэр-барар сирэ балыыһа уонна чайнойдар буолаллар диэтэххэ сыыстарбаппыт буолуо. Бу Саҥа дьыл инниттэн турбут быыстапканы, бука, тыһыынчанан дьон көрдөҕө. Билигин хайа музей оннук көрөөччүлээх буолуой?! Онон балыыһа уонна музыкальнай оскуола дьаһалталара, Горнай улууһа төрүттэммитэ 95 сылыгар олус сөптөөх, наадалаах, биллэр туһалаах хайысханы тутуспуттарын биһирээтим. Маннык хайысха салгыы атыттарга тарҕанарыгар эрэл санааланыахха. ✍️Василий Алексеев.