Ыам ыйын 19 күнэ: Төрөппүттэргэ анаан «Доруобуйа Дьаарбаҥката» ситиһиилээхтик ыытылынна... — 20 мая 2026 г. в 02:22:15.646
Ыам ыйын 19 күнэ: Төрөппүттэргэ анаан «Доруобуйа Дьаарбаҥката» ситиһиилээхтик ыытылынна! 🍏🤸♀️💖 Ыам ыйын 19 күнүгэр төрөппүттэргэ анаан олус туһалаах «Доруобуйа Дьаарбаҥката» тэрээһин ыытылынна. Бу дьаарбаҥкаҕа элбэх кэрэхсэбиллээх уонна туһалаах ыйытыылар көрүлүннүлэр: • Оҕо үүнүүтүн тирэҕэ – туһалаах ас (амсайыы уонна сүбэ-ама биэрии). Манна төрөппүттэр оҕолорго туһалаах аһы амсатан көрдүлэр уонна идэлээхтэр сүбэлэрин-амаларын ыллылар. • Оҕо уҥуоҕун доруобуйатын бөҕөргөтөр эрчиллиилэр. Оҕо эттэрин-хааннарын чэбдигин туһугар олус туһалаах эрчиллиилэри билиһиннэрдилэр. • «Чэгиэн оҕо – чэбдик дууһа» диэн тиэмэҕэ санаа атастаһыыта уонна истиҥ кэпсэтии буолла. Манна төрөппүттэр оҕолорун дууһатын туругун уонна чөл олоҕун туһунан толкуйдарын үллэһиннилэр. Биһиэхэ ыалдьыттыы кэлэн, туһалаах сүбэ-ама биэрдилэр: • Стоматолог – Антонова Надежда Ивановна. • Оҕо педиатра, остеопат – Заровняева Анна Алексеевна. Ону тэҥэ, оҕолору аһынан хааччыйар «Саламаат» тэрилтэ үлэһиттэрэ оҕолор астарын туһунан кэпсээтилэр, амсатан көрдөрдүлэр уонна төрөппүттэргэ сүбэлэрин-амаларын биэрдилэр. Бу тэрээһин төрөппүттэргэ оҕолорун доруобуйатын туһунан билиилэрин хаҥатарга уонна саҥа дьоҕурдары ыларга улахан көмө буолла! #ГодЗдоровья #Годдошкольногообразования