Быйылгы Култуура сылыгар уонна Космонавтика күнүн чэрчитинэн, биһиги нэһилиэкпит библио... — 15 апреля 2026 г. в 06:30:20.710
Быйылгы Култуура сылыгар уонна Космонавтика күнүн чэрчитинэн, биһиги нэһилиэкпит библиотекара, саҥаны арыйар, оҕолору сэргэхситиэн билэр Марфа Николаевна биһиги "Кустук уһуйааммытыгар" олус интэриэһинэй ыалдьыт буолан кэллэ! Марфа Николаевна оҕолорбутугар космос диэн туох сири-дойдуну, бастакы космонавттар тустарынан элбэх билиини кэпсээтэ. Оҕолорбут бары кэрэхсээн иһиттилэр, космос киэҥ нэлэмэн куйаарын билэр баҕа санааларын биллэрдилэр. Саамай умнуллубат түгэнинэн — "Космонавт буолабын" диэн айар дьарык буолла: • Оҕо бүттүүн Марфа Николаевна көмөтүнэн бэйэлэрин хаартыскаларын космонавт таҥаһыгар (скафандрга) уларытан, дьиҥнээх халлаан эргийээччилэрэ буолбуттарын курдук санаатылар. • Космонавт таҥаһын, араас планеталары бэйэлэрэ краскалаан, бары олус астыннылар, үөрдүлэр-көттүлэр. Бу курдук кыра саастаах оҕоҕо саҥаны билиилэри оонньуу, айар үлэ нөҥүө тиэрдии – үрдүк таһымнаах иитии буолар. Марфа Николаевнаҕа оҕолорбутун итинник үрдүк таһымнаах, дириҥ ис хоһоонноох тэрээһини бэлэхтээбитигэр барҕа махталбытын тиэрдэбит! Инникитин даҕаны бииргэ үлэлээн, оҕолорбутун саҥа ситиһиилэргэ уһуйарбытыгар эрэнэбит!