"Кыыс Оҕо Күнэ"
"Кыыс Оҕо Күнэ" Алтынньы 12 күнүгэр "Кыыс Оҕо Күнүгэр" анаммыт, биһиги уһуйааҥҥа дьоро күҥҥэ кубулуйда. Бу күн уһуйааммыт кэрэчээн кыргыттара "Кыраһабыай Сумка"👜👛🎒 күрэҕэр кыттаннар, бэйэлэрин дьоҕурдарын, айымньыларын уонна кэрэни көрөр дьулуурдарын көрдөрдүлэр. Күрэххэ кыттарга кыргыттар төрөппүттэрин кытта эрдэттэн бэлэмнэннилэр. Оҕолор уонна ийэлэр, эбэлэр бииргэ үлэлээн, хас биирдии сумкаҕа тус бэйэлэрин оҥоһууларын, фантазияларын уонна кыһамньыларын уурдулар. Сумкалар араас матырыйааллартан оҥоһуллубуттар: таҥастан, фетртан, баайыы сабынан, картонтан уо д а. Сорохтор сибэккинэн киэргэппиттэр, атыттар оҕуруонан тигэн, үһүстэр ойуулааһын уонна аппликация ньымаларын туһаммыттар. Күрэх саҕаланыытыгар кыыс оҕо туох аан дойдуга сүрүн суолталааҕын, кини кэрэтэ уонна сырдык дууһата олоҕу киэргэтэрин туһунан кылгас кэпсэтии ыытылынна. Ол кэннэ кыттыылаах кыргыттар бэйэлэрин оҥоһуктарын муодалаан көрдөрдүлэр. Дьүүллүүр сүбэ тумугунэн бастыннар билиннилэр.Кинилэр сумкалар оҥоһууларын, креативноһын, оригиналлаах буолуутун, оҕо үлэҕэ кыттыытын учуоттаан сыаналаатылар. Бастакы миэстэни 🥇И. Карина, А. Сардаана, К. Чэмэлиинэ, А.Валерия, П. Адетта, Ч. Айнура, И.Таяна. Иккис миэстэҕэ🥈 П.Алексия, П. Жанна, О. Клара, К. Айна, О. Милана. Үһүс 🥉миэстэҕэ А.Айаана, В. Кристина, С. Аурелия👏 Күрэх түмүгүнэн бары кыттааччылар дипломунан уонна кыра бэлэхтэринэн наҕараадаланнылар. Ол эрэн, сүрүн кыайыы – бу оҕолор уонна төрөппүттэр бииргэ үлэлээһиннэрэ, айар үлэҕэ кыттыылара, кэрэни кэрэхсиир дьоҕурдарын сайыннарыылара буолла. Бу тэрээһин Кыыс Оҕо Күнүн дьиҥнээх бырааһынньыкка кубулутта, кыргыттар кэрэлэрин, талааннарын өссө төгүл көрдөрдүлэр. Махтал бары кыттыылаахтарга уонна төрөппүттэргэ!