Саха Автономнай Советскай Социалистическэй Өрөспүүбүлүкэ төрүттэммит күнүгэр аналлаах ү... — 28 апреля 2026 г. в 08:20:04.620
Саха Автономнай Советскай Социалистическэй Өрөспүүбүлүкэ төрүттэммит күнүгэр аналлаах үөрүүлээх тэрээһиммит саха норуотун уһулуччулаах уола, биһиги биир дойдулаахпыт Степан Аржаков пааматынньыгар гирлянда, сибэкки ууруутуттан миитининэн саҕаланна. Онтон салгыы «Кыталык” НАДь Саха Сиригэр Культура, нэһилиэкпитигэр- тыа сирин түөлбэбит сылларыгар, Республика күнүгэр анааллаах нэһилиэкпит түөлбэлэрин икки ардыларыгар сахалыы тыыннаах оҥоһуктарга быыстапка, мааныга, ыһыахха кэтиллэр сахалыы таҥас “Саха буолан сандаар, киһи буолан килбэй” күөн-күрэс буолан ааста. Төрөөбүт – үөскээбит Республикабыт саргыта сайыннын, дьол – саргы туһугар дойдубут өссө чэчирээн, тупса турдун, уйэлэр тухары умнуллубакка, умсулҕаннаах оһуокай олохтоно туруохтун диэн тураммыт Саха омук саамай тэнийбит, дьону тумэр бастын үнкүүтүнэн Республика күнүгэр аналлаах тумэл оһуохайынан түмүктээтибит. Оһуохайы таһаарда нэһилиэкпит алгысчыта, олоҥхоһута,үҥкүү тылын этээччитэ Прокопий Николаев. Сахам сирин таптыыбын! Сахам дьонун саныыбын Сахам тылын ыллыыбын Саха оло5ун алгыыбын Сахам сирин таптыыбын!