🌿🌿🌿🌿🌿🌿🌿🌿🌿🌿 — 30 июня 2026 г. в 12:15:45.776
🌿🌿🌿🌿🌿🌿🌿🌿🌿🌿 Уһун кыһыны этэҥҥэ туораан, айылҕабыт барахсан уһуктан, сир-дойду сирэм күөҕүнэн ситэн, симэнэн, силигилээн турар кэмигэр Арассыыйа5а норуоттар сомо5олоһууларын, Саха Өрөспүүбүлүкэтигэр култуура, Бүлүү улууһугар утум уонна үүнүү-сайдыы, Чернышевскай нэһилиэгэр тыа сирин түөлбэтин сылларыгар ананар бэс ыйын 26 күнүгэр Чинэкэбит уйгулаах үрүң тунах ыһыа5а буолан ааста. Сиэр-туом быһыытынан Аар Айыыларга, Ийэ сиргэ сүгүрүйэн үтүөнү, сайдыыны түстүүр алгыстан са5аланна. Мустубут бар дьоммутун үтэһэлээх этинэн, алаадьынан, көөнньө сылдьар минньигэс быырпа5ынан күндүлээтибит. Сүрүн тэрээһининэн буолла олохтоох бэйэни кө5үлээһини өйүүр бырагырама чэрчитинэн Саха Өрөспүүбүлүкэтин хамаандаларын икки ардыларыгар ыытыллар мас тардыһыытын күөн-күрэһэ буолан ааста. Түмүккэ муңутуур Кыайыылаах Чинэкэ хамаандата, иккис миэстэ Чинэкэ иккис хамаандата, үһүс миэстэ Бүлүү куоратын хамаандата. Кыайыылаахтар харчынан уонна спонсордаттан анал бириистэринэн на5араадаланнылар. Үрүҥ тунах ыһыахха, буоларын курдук, араас тэрээһиннэр ыытылыннылар ол курдук «Ойор күннээх мэник саас» түһүлгэтигэр «Уһун суһуох – кыыс оҕо киэргэлэ” оскуола иннинээҕи саастаах уонна алын кылаас кыргыттарын күрэ5эр саамай толбонурар уһун суһуохтааҕынан буолла Протопопова Элеонора Лөкөчөөнтөн ыалдьыппыт. Ону таһынан «Түһүлгэ симэхтэрэ” оҕолорго ыһыахха кэтиллэр сахалыы мааны таҥас көрүүтүгэр уолаттарга бастыҥтан бастыҥ Протопопов Кирилл, кыргыттарга Семенова Айыллаана буолан дьоннорун үөртүлэр. Быйыл нэһилиэкпитигэр тыа сирин түөлбэтэ сыл биллэриллэн түөлбэлэргэ «Уйгулаах ыһыах дэлэй астаах хорчуоппата” күрэ5эр түөлбэлэрбит бары биир киһи курдук турунан, хомуллан, ыһыах буолуон биир күн иннинэ түһүлгэлэрин тэринэн ыһыаҕы киэргэттилэр. Күрэх түмүгүнэн: 1 миэстэ «Кэскил» түөлбэ, сал. Семенова А.М. 2 миэстэ «Солнечнай» түөлбэ, сал. Корякина А.О. 3 миэстэ «Октябрьскай» түөлбэ, сал. Николаева Н.В. 4 миэстэ «Сарыал» түөлбэ, сал. Иванова Т.И. 5 миэстэ «Заречнай» түөлбэ, сал. Михайлов Г.Г. Уйгулаах ыһыахпыт түмүктүүр тэрээһинигэр эстрада артыыстара Радивер, Замир кэлэн киэргэтэн дьон-сэргэ чугас нэһилиэктэртэн тоҕуоруһа мустан ыллаан-үҥкүүлээн астынан, махтанан тар5астылар. Түгэнинэн туһанан хас биирдии тэрээһиҥҥэ күүс - көмө өйөбүл буолбут уонна кыттыбыт дьоммутугар-сэргэбитигэр, спонсордарга, салайааччыларга Махтал бастыңын тиэрдэбит! Баҕарыа этибит быйаҥ олоҕу, чөл туругу, этэҥҥэ буолууну!