Күөххэ ☘️үктэммиччэ, күҥҥэ үөрбүччэ " Айылгы" оҕо уһуйаана ойор- тэбэр оҕо ыһыаҕын ыс... — 29 мая 2026 г. в 11:13:23.271
Күөххэ ☘️үктэммиччэ, күҥҥэ үөрбүччэ " Айылгы" оҕо уһуйаана ойор- тэбэр оҕо ыһыаҕын ыста☀️күҥҥэ үөрэн, көй салгыҥҥа сыламнаан күөх хонуу көмүс чыычаахтарбыт саҥаларынан туолла. Ырыалар, хоһооннор, үҥкүүлэр дайдылар, күрэхтэр ыытылыннылар, оһуохайга да турдубут, түһүлгэлээн да олордубут, ыһыах сиэрэ туома ыытылынна, салама бастыҥа баайылынна, алгыс тыл этилиннэ, үрүҥ кымыс, үтэһэлээх эт амсайылынна, күөх хонууга кыахтаахтар күрэхтэстилэр, сүүрэн да ыллылар, мас да тардыстылар. Хараҕы сэргиир мап- мааны таҥастаах, күҥҥэ кылабаччыйа оонньуур хоруоҥка оҕуруолаах, сиэдэрэй симэхтээх, ыраас сырдык мөссүөннээх "Бастыҥ кыыс оҕо киэргэлэ" күрэххэ Милана Корякина ааттанна. Харысхал көмүс симэхтээх, ортотунан ии курдаах, кыыннаах быһыччалаах, сылгы сиэлэ дэйбиирдээх, боотур толору симэхтээх " Бастыҥ уол оҕо симэҕэ" Сахамин Петров буолла. Өбүгэ үгэһин салҕыыр " Бастыҥ сандалы маанылаах аһа" күрэххэ Анюта Корякина ылла. " Сыл бастыҥ дьиэ кэргэнэ" М.Н.Дакаярова аатынан бириэмийэни 5 тыһ уу харчынан Семеновтар дьиэ кэргэннэрэ ааттаннылар. Ону таһынан " Здоровейка" номинацияҕа Я.Уран,А.Элеонора,С.Ариана ааттаннылар. " Байдам" маҕаһыын туруорбут плюшевай оонньуурун лотореяҕа Сайдам Сидоров таба тайанан үөрүү көтүү көтөллөннө.Түгэнинэн туһанан, спонсордарбытыгар махталбытын тиэрдэбит. Олохтоох администрацияҕа А.С.Петровка, М.Н.Федороваҕа, " Байдам" маҕаһыын хаһаайкатыгар А.А.Оленоваҕа, төрөппүт кэмитиэтигэр, " Горный Ас" директорыгар Ксенофонтов Н.И. оҕолорго бириис олохтообуттарыгар. Түһүлгэҕэ оҕолорго,ыалдьыттарга ас астаан күндүлээбит бары уһуйаан үлэһиттэригэр, ,повардарга, күрэхтэри тэрийбит уонна тэрээһини тэрийбит ытык мааны убаастанар үлэһиттэрбитигэр сахалыы барҕа махтал буолуохтун!😊