Бүгүн, улуустааҕы доруобуйаларынан хааччахтаах уонна инбэлииттээх оҕолорго аналлаах " Ү...
Бүгүн, улуустааҕы доруобуйаларынан хааччахтаах уонна инбэлииттээх оҕолорго аналлаах " Үүнүөм,сайдыам, улаатыам"диэн талаан күрэҕэ буолла. Күрэҕи " Кырачаан ымыылар"оҕону сайыннарар киинэ тэрийэн ыытта. "Айылгы" уһуйаантан бэлэмнэнии бөлөх иитиллээччитэ Вика Буинова кыттан "Бастыҥ ырыаһыт"анал аатынан бэлиэтэннэ. Муусука хас биирдии киһиэхэ дьайыыта күүстээх уонна кэрэҕэ- сырдыкка сирдиир. Вика быйыл талаана арылынна, музыканы иһиттэҕинэ санаалыын көтөҕүллэр, үөрэр, аҥардас үрдүк сыанаҕа соҕотоҕун да тахсыбыта ол бэйэтэ кыайыы- диэн бэлиэтиир иитээччитэ Елизавета Егоровна. Түгэнинэн туһанан махталбытын биллэрэбит күрэҕи тэрийбит " Кырачаан ымыылар"киин сэбиэдиссэйигэр Н.В.Абрамоваҕа. Виканы, салайааччытын Е.Е.Федорованы үрдүк ситиһиилэринэн эҕэрдэлиибит.