🎉 Бүгүн, кулун тутар 27 күнүгэр, Кировскай орто оскуолатыгар «Көлүөнэлэр көрсүһүүлэрэ»... — 27 марта 2026 г. в 15:01:16.170
🎉 Бүгүн, кулун тутар 27 күнүгэр, Кировскай орто оскуолатыгар «Көлүөнэлэр көрсүһүүлэрэ» тэрээһин үөрүүлээх быһыыга-майгыга буолан ааста! 🏫✨ Оскуоланы 1971, 1976, 1996 сыллардаахха бүтэрбит Маалтааны, Маҕаны, Атамай, Октябрьскай, Кировскай нэһилиэктэриттэн төрүттээх выпускниктар кэлэн, оскуолаҕа үөрэммит кэрэ кэмнэрин санаан, оҕо саастарын ахтыһан, бу дьоро күҥҥэ үөрүүлэрин үллэстэн бардылар. 👫💬 Уопсайа 50-ча ыалдьыт кэлэн бастаан, анаммыт кылаастарынан тарҕаһан оскуола үөрэнээччилэрин кытта кылаас чаастаатылар, үөрэммит сылларын ахтан-санаан аастылар. 📚👩🏫👨🏫Онтон тэрээһин үөрүүлээх чааһыгар мустубут дьону, үөрэнээччилэр уонна учууталлар оскуола гимнын ыллаан уруйдаан көрүстүлэр. 🎶✨ 1976 сыл выпускниктарыгар «Золотой выпуск» ленталары улахан кылаас оҕолоро үөрүүлээх быһыыга-майгыга туттардылар. 🏅🎓 Төгүрүк сылларын бэлиэтиир көлүөнэ көрсүһүүтүгэр кэлбит ыалдьыттарбыт кылаастарынан биирдии биирдии тахсан, үүнэр көлүөнэҕэ кэс тылларын анаатылар, оскуолатааҕы сылларын санаан бэйэлэрин эҕэрдэлэрин эттилэр. 💬❤️ Выпускниктарбытын оскуола оҕолоро араас музыкальнай номердарынан эҕэрдэлээтилэр. 🎤🎸 Тэрээһин үөрүүлээх чааһа олус истиҥ, долгутуулаах бары выпускниктар, учууталлар кыттыылаах «Оскуолатааҕы вальсынан» түмүктэннэ. 💃🕺 Ол кэнниттэн уһун переменаҕа, оскуола остолобуойугар минньигэстик аһаан, умнуллубат оскуолатааҕы сылларын ахтан-санаан аастылар. 🍰☕ «Көлүөнэлэр көрсүһүүлэригэр» сылдьыбыт эрэ барыта олус дуоһуйан, астынан тарҕаста. Ыраахтан-чугастан кэлбит ыалдьыттарбыт оскуола коллективыгар, үөрэнээччилэргэ бүгүҥҥү тэрээһини тэрийбиттэригэр истиҥ махталларын анаатылар, өссө да үүнэ-сайда туралларыгар баҕа санааларын эттилэр. 🙏🌟 #КировскайОскуолата #КөлүөнэлэрКөрсүһүүлэрэ #ОскуолаТэрээһиннэрэ #Выпускниктар #Ахтыылар