Бүгүн, муус устар 15 күнүгэр Улуустаа5ы "Уерэ5эрии салалтата", "Кырачаан ымыылар" о5ону... — 15 мая 2026 г. в 07:44:51.300
Бүгүн, муус устар 15 күнүгэр Улуустаа5ы "Уерэ5эрии салалтата", "Кырачаан ымыылар" о5ону сайыннарар Киин ке5улээьининэн, Россияҕа «Норуоттар сомоҕолоһууларын сылынан», Саха сиригэр Култуура уонна Оскуола иннинээҕи үөрэхтээһин сылларынан, Горнай улууһугар Доруобуйа сылынан «Үүнүөм, сайдыам, улаатыам» Улуустааҕы доруобуйаларынан хааччахтаах уонна инбэлииттээх оҕолорго аналлаах 3-үс төгүлүн талаан күрэҕэ ыытылынна. Күрэхпит сүрүн сыалынан буолар,бу доруобуйаларынан хааччахтаах уонна инбэлииттээх оҕолору кэрэ эйгэтин өйдүүр дьоҕурдарын сайыннарыы, ис кыахтарын уһугуннаран талааннарын арыйыы, ис туруктарын, көхтөрүн үрдэтии. Ол курдук бүгүҥҥү талаан күрэҕэр оҕолорбут тугу сатыылларынан: ырыа. хоһоон, үҥкүү, мода, ударнай инструменнарга оонньоон көрдөрдүлэр. Күрэхпитигэр уопсайа 8 нэһилиэктэн 36 о5о кыттыыны ылла, 4 детсад кэккэ биричиинэлэринэн кэтэхтэн кыттыыны ыллылар. Күрэхпитигэр дьүүллүүр сүбэҕэ ыҥырыылаах ыалдьыттарынан буоллулар: Улуустааҕы инбэлииттэр обществоларын адаптивнай спортка инструктора - Кардашевский Иннокентий Григорьевич; улуустааҕы «Сыккыс»литературнай түмсүү салайааччыта Олесова Айталина Николаевна; Мэхээлэ Дьөгүөрэп аатынан культура дьиэтин сүрүн специалиьа -Тимофеева Диана Спиридоновна уонна “Кырачаан ымыылар”оҕону сайыннарар киин сэбиэдиссэйэ-Абрамова Ньургустаана Владимировна Бу Доруобуйаларынан хааччахтаах , инбэлииттээх оҕолорго маннык күрэх быйыл биһиги детсадка 3-үс төгүлүн ыытыллан эрэр, ол курдук быйылгы күрэхпит олус диэн өрө күүрүүлээхтик ааста ,быйыл биһиэхэ 7(сэттэ) тэрилтэ спонсордаата, олус диэн махтанан туран кинилэр ааттарын сырдатыахпытын баҕарабыт.Ол курдук: «Талбан» чааһынай дьиэлэри, сахалыы балаҕаннары тутар тутуу тэрилтэтэ (ИП эдэр ыаллар Федоровтар Юлия Юрьевна, Андрей Сергеевич); улуустааҕы инвалидтар обществолара (салайааччы Валентин Иванович Иванов); Горнайдааҕы Кырдьаҕастар уонна инбэлииттээх дьоннору иитэр дьиэ (директор Баишева Айталина Прокопьевна), ” У Зины» маҕаһыын (чааһынай предприниматель Чемезова Зинаида Ивановна), «Рубикон» оонньуур,таҥас маҕаһыына (чааһынай предприниматель Туприна Светлана Леонидовна) , Улуустааҕы социальнай харалта управлениятыгар (дир. Заровняева Сандаара Константиновна), АКБ " Алмазэргиэнбаан" (сал. Андреев Ньургун Васильевич). Күрэхпитин Үөрэҕирии управлениятыттан начальник Сметанина Варвара Ильична уонна начальнигы солбуйааччы Заровняева Ия Владимировна, детсаппыт сэбиэдиссэйэ Абрамова Ньургустаана Владимировна эҕэрдэ тылларынан арыйдылар. Улахан тынааһыннаах киирсии кэннэ дьүүллүүр сүбэ кыттыбыт оҕолору тэҥҥэ сыаналаабытын түмүгүнэн: хас биирдиинуемэрдргэ анал ааттар ананнылар уонна сыаналаах бириистэринэн, сертификаттарынан наҕараадаланнылар. Түмүккэ 1 миэстэҕэ тигистэ уонна «Кылаан Кыайыылаах» Үрдүк аатын «Пусть всегда будет солнце!»ырыатынан Орто Сурт «Кустук» детсадтан Аргунов Гриша ылла. Түгэнинэн туһанан, оҕолору бэлэмнээбит, курэхпит үрдүк таһымнаахтык ыытылларыгар төһүү күүс буолбут бары иитээччилэргэ, музыкальнай салайааччыларга., спонсордаабыт тэрилтэлэрбит салайааччыларыгар сүһүөхтээх бэйэбит сүгүрүйэн, хоолдьуктаах бэйэбит хоҥкуйан туран Барҕа Махтал тылларын анаатахпыт буоллун»! Инникитин да бу доруобуйаларыгар хааччахтаах инбэлииттээх оҕолорбут өссө маннык күрэхтэргэ кыттан, сатабыллара. талааннара сайдан, көхтөрө үрдээн, ис туруктара бөҕөргөөн,бэйэлэригэр эрэллээх буолалларыгар маннык күрэхтэри тэрийии төһүү күүс буоларын өйдөөн бииргэ үлэлэһиэхпит диэн бигэ эрэллээх хаалабыт. #годдошкольногообразования #ГДОЯкутия #МБДОУЦРРдсN10Кырачаанымыылар