Ыам ыйын 14 күнүгэр оскуолабытыгар Л.Н.Харитонов аатынан Маҕарас орто оскуолата "Улуу... — 15 мая 2026 г. в 05:02:00.903
Ыам ыйын 14 күнүгэр оскуолабытыгар Л.Н.Харитонов аатынан Маҕарас орто оскуолата "Улуу киһи суолунан" диэн ааттаах экспедиция чэрчитинэн тэрээһин ыытан , ыалдьыттаан бардылар. Экспедиция саха тылын уһулуччулаах чинчийээччи, РСФСР уонна Саха АССР билимин үтүөлээх диэйэтэлэ, филологическай билим дуоктара, бэрэпиэссэр, үтүѳлээх учуутал, биллиилээх тюрколог, саха дьоно бары сүгүрүйэр киhибит Лука Никифорович Харитонов төрөөбүтэ 125 сылыгар ананар. Сүрүн сыала кини үлэлээбит, олорбут сирдэринэн сылдьыы, олоҕун, научнай үлэтин сырдатыы буолар. Ол курдук, оҕолорго Л.Н.Харитонов "Наукаҕа анаммыт олох"диэн тиэмэҕэ кылаас чааһа, хамаандаларынан оонньуу ыытылынна. Оонньуу 3 түһүмэҕинэн барда: 1.Горнай улууһун историята. 2.Л.Н.Харитонов-уһулуччулаах учуонай. 3.Айар үлэ абылаҥа. Үөрэнээччилэр төрөөбүт улуустарын, Л.Н.Харитонов туһунан киэҥ билиилээхтэрин көрдөрдүлэр. Оонньуулар бэрт сэргэхтик аастылар. Түгэнинэн туһанан, Л.Н.Харитонов аатынан Маҕарасс орто оскуолатын коллективыгар бэрт туһалаах тэрээһиннэрин барҕа махталбытын тиэрдэбит.