💠🌱 Бэ5эьээ, ыам ыйын 22 күнүгэр, "Олонхо кэскилэ" "Чуораанчык" бөлөҕө Ньукуолун күнүн... — 23 мая 2026 г. в 08:12:01.052
💠🌱 Бэ5эьээ, ыам ыйын 22 күнүгэр, "Олонхо кэскилэ" "Чуораанчык" бөлөҕө Ньукуолун күнүн бэлиэтээтибит. 🌱✨Бу күн сахалар сайыны көрсөбүт, айылҕа уһуктарын, үүнүүнү-үүнүүлэри аҕаларын кэтэһэбит. Былыр-былыргыттан дьон бу күн сири-ууну, айылҕаны аһаталлар, алгыыллар этэ. Ол аата, айылҕабыт кэлэр сайын биһиэхэ үтүөнү-кэрэни, үүнүүнү-хотууну бэлэхтиэн баҕарабыт. Ньукуолун күнүгэр дьон үксүгэр таһырдьа тахсаллар, айылҕаны кытта алтыһаллар, от үүнэрин, көтөрдөр кэлэллэрин көрөллөр. 🌿🕊️ Бу күн тымныы уу устан бүтэрин, муус көлөөҥнүүрүн кэтэһэн кэтээн көрөллөр. Сахалар бу күн үүт астарын, алаадьыны оҥороллор, байанай бэрсибит куһун миинин амсайаллар диэн оҕолордуун кэпсэттибит.🦆🥣🥛 Алаадьынан айах туттубут, сахалыы оҥоһуу лапсалаах кус миинин истибит, сайын туһунан уруһуйдаатыбыт, ыллаатыбыт уонна илиилэртэн ылсыһан, күн эргииринэн хааман оһуокайдаатыбыт. Кэлэр сайын барыбытыгар дьолу-соргуну, үөрүүнү, сылааһы эрэ аҕаллын! 🙌🏻☀️🌻 Ньукуолун күнүнэн! Уруй-айхал! 🎉