Бүгүн, ыам ыйын 18 күнүгэр, ѳрѳспүүбүлүкэҕэ Ньургуhун күнэ бэлиэтэнэр. Дьыссааппыт улах... — 18 мая 2026 г. в 13:47:20.672
Бүгүн, ыам ыйын 18 күнүгэр, ѳрѳспүүбүлүкэҕэ Ньургуhун күнэ бэлиэтэнэр. Дьыссааппыт улахан бөлөҕүн иитиллээччилэригэр ньургуһун туһунан кэпсээтибит, уруһуйдуурга үөрэттибит уонна бу күн уратытын билиһиннэрдибит. Сырдатар эбит буоллахха бу күн Саха Сиригэр 2004 сыллаахха биллэр суруналыыс Иван Ушницкай кѳҕүлээhининэн аан бастаан олохтоммута. Саха Сиригэр ньургуhун сэттэ кѳрүҥэ үүнэр. Саhархай, маҥан, кытархай, халлаан күѳхтүҥү-хара саарыл ѳҥнѳѳх буолар. Бүлүү бѳлѳх улуустарыгар кэрэ бэйэлээх кытархай, халлаан күѳхтүҥү-хара саарыл ѳҥнѳѳх ньургуhуннар хойуутук үүнэллэр. «Тоҥ буору тобулан, күн диэки дьулуhан», саас эрдэ, хаар ууллаатын кытары тахсар ньургуhун сибэкки ырыаҕа ылланар, хоhооҥҥо хоhуллар. Нарын-намчы бэйэтэ тымныыттан, хаартан, тыалтан-куустан толлубат сүдү күүhэ олоххо тапталы, тулхадыйбат тулууру кэрэhэлиир. Кини муус устар бүтэhик күннэриттэн ыам ыйын бүтэhигэр диэри, биир ый устатыгар, харалдьыкка тыллан, хараҕы үѳрдэр, санааны кѳнньүѳрдэр. ✍️ Раиса Иванова -Арылыйа