«Радуга» уһуйаан 2024 сылтан «Үрүйэчээн» парциальнай бырагырааманы олоххо киллэриигэ ре...
«Радуга» уһуйаан 2024 сылтан «Үрүйэчээн» парциальнай бырагырааманы олоххо киллэриигэ ресурснай киин буолар. Бу ыытыллыбыт сэминээр сыала-соруга: — иитиллээччи төрөөбүт тылын, норуотун култууратын дириҥник баһылаан сайдар эйгэтин тэрийии; — төрөөбүт тыл сайдыыта норуот култуурата, ускуустубата сайдарыгар, ыччаты иитиигэ суолтатын туһунан билиһиннэрии; — төрөөбүт тылы оҕолор өйдөөн, баҕаран туран дьулуһан үөрэтэллэригэр салайыы. — араас хайысхалаах тэрээһиннэри ыытан, оҕолорбутугар олорор түөлбэбит, дойдубут, айылҕабыт уратытын үөрэтии, өбүгэбит үтүө үгэстэригэр, култууратыгар, баай тылыгар-өһүгэр тапталы, убаастабылы иитии. Сэминээр үөрүүлээх арыллыытыгар «Оҕо сайдар уйата» истиэндэни арыйдыбыт (Диана Федорова). Атамай нэһилиэгин баһылыгын солбуйааччы Татьяна Алексеева мустубут ыалдьыттары эҕэрдэлээтэ. Салгыы бэтэрээн үлэһиппит, «Знание» уопсастыба бэрэссэдээтэлэ Валентина Яковлева уһуйаан иитээччилэрин үлэтин сырдатта, ааптарыскай бырагыраама бырайыактарын кэпсээтэ. Иитиллээччилэрбит «Саха сайдам оҕото – саргылаах кэскилбит» музыкальнай композицияны көрдөрдүлэр. (Юлиана Аввакумова). Иккис чааһыгар оҕо төрөөбүт тылын сайыннарарга аһаҕас дьарыктары көрдөрдүбүт. 1 түһүлгэ — «Айылҕа оҕото – булчут уолан» аһаҕас дьарык, «Мичээр» кыра саастаах оҕолор бөлөхтөрө, иитээччилэр Елена Иванова, Фекла Егорова. Иккис түһүлгэ — «Өбүгэлэрбит олохторо-дьаһахтара» аһаҕас дьарык, «Чуораанчык» оскуолаҕа киириэн иннинээҕи бэлэмнэнии бөлөҕө, иитээччилэр Эльвира Данилова, Надежда Адамова. Маны сэргэ, оҕо төрөөбүт тылын сайыннарарга эбии үөрэхтээһин үлэтэ, маастар-кылаас ыытылынна. «Таал-таал эмээхсин» остуоруйанан панно оҥордулар Татьяна Яковлева, эбии үөрэхтээһин педагога Августа Варламова. Сэминээр үһүс чааһыгар Раиса Иванова «Мин — саха сайдам оҕотобун» электроннай босуобуйаны дириҥэтэн, ырытан кэпсээтэ уонна саҥа босуобуйаны ыстатыйа суруйбут иитээччилэргэ уонна бэтэрээн үлэһиттэргэ бэлэх уунна. Салгыы «Инники сайдыылар, тосхоллор» диэн «Севернай» методическай холбоһук кыттыылаахтарыгар аналлаах сүбэ мунньах ыытыллан былааммытын торумнаатыбыт. Ыалдьыттар салгыы элбэх хайысхалаах култуурунай-спортивнай кииҥҥэ, Атамай орто оскуолатыгар экскурсиялаатылар. Раиса Иванова -Арылыйа. Юлиана Аввакумова хаартыскаларга түһэриитэ