🎨 Үбүлүөйдээх дьоро күн уратыта — 23 мая 2026 г. в 23:24:17.017
🎨 Үбүлүөйдээх дьоро күн уратыта Ыам ыйын 23 күнүгэр биһиги оскуолабытыгар ураты сэргэх, сырдык күн буолан ааста. ИЗО уонна уруһуй учуутала, айар куттаах Нюргустана Анатольевна Яковлева үбүлүөйдээх дьоро күнэ бэрт истиҥник, иһирэхтик ааста. Бу күн Нюргустана Анатольевнаны дьиэ кэргэнэ, чугас аймахтара, бииргэ үөрэммит доҕотторо, бииргэ үлэлиир коллегалара эҕэрдэлээн, алгыстаах тылларын анаатылар. Кини айар үлэтин, талаанын, кэрэҕэ уһуйар дьоҕурун бар дьон махталынан билиннэ. 🌟 Быыстапка — айар үлэ түмүгэ Дьоро күҥҥэ Нюргустана Анатольевна айар үлэлэрэ — маллаах иһиттэр, кумааҕыттан кырыллыбыт хаар дьүһүйүүлэр, сэлээппэлэр, алгыстаах хартыыналар уонна "Олоҥхо дьоруойдара" уруһуйдара — мустубут дьон болҕомтотун тартылар. Хас биирдии үлэтиттэн саха норуотун үгэстэрэ, айылҕа кэрэтэ, Олоҥхо алыптаах эйгэтэ арылхайдык көстөр. ✨Эҕэрдэлэр, алгыс тыллар Үбүлүөйдээх киһиэхэ чугас дьоно-сэргэтэ истиҥ эҕэрдэлэрин, баҕа санааларын анаатылар. Бииргэ үлэлиир коллегалара кинини кэрэни кэрэхсиир, оҕо-аймаҕы айарга-тутарга угуйар ураты учуутал быһыытынан билиннилэр. 🌿 Кэлэр кэмнэргэ — саҥа саҕахтар Нюргустана Анатольевнаны өссө да элбэх ситиһиилэр, айымньылаах үлэлэр күүтэллэр диэн эрэнэн туран, кинини өссө да үрдүктэн үрдүк чыпчааллары баҕарабыт! 🌸