🚩🚩🚩Хас сылын ахсын ыам ыйын 19 күнүгэр - Пионерия күнүгэр үгэскэ кубулуйбут "Пионер ... — 19 мая 2026 г. в 13:25:55.888
🚩🚩🚩Хас сылын ахсын ыам ыйын 19 күнүгэр - Пионерия күнүгэр үгэскэ кубулуйбут "Пионер алааһыгар" СӨ учууталлар учууталлара, педагогическай наука кандидата, алын үөрэхтээһин кафедратын доцена, РФ уопсай үөрэхтээһин бочуоттаах үлэһитэ, СӨ үөрэҕириитин туйгуна, үлэ бэтэрээнэ, «Дети Саха-Азия» фонда стипендиата, Чакыр орто оскуолатын 1975-2001 сс биология, химия учууталынан таһаарыылаахтык үлэлээбит Григорьева Любовь Ивановна аатынан, оҕо хамсааһынын, спорт уонна чөл олох күнүн хамаандалар икки ардыларыгар күрэҕэ маннык түһүмэхтэринэн ыытылынна: 1. КП көрдөөһүнэ 2. "Айылҕаҕа харыстабыллаахтык сыһыаннаһыы" диэн ааттаах түһүлгэ киэргэтиитэ 3.Минньигэс астаах повардар күрэхтэрэ (Борщ буһарыыта). 4. Уһуну ыстаныы 5. Моһоллору туорааһын 6. Погон былдьаһыыта 7. Канат тардыһыыта 8. Костер тула эстафета. Быйылгы күрэхпитигэр Амматааҕы эдэр туристар станциятын директора Николай Николаевич Николаев уонна эбии үөрэхтээһин педагога Валентин Николаевич Петров ыҥырыыбытын ылынан кэлэннэр күрэҕи дьүүллээтилэр уонна моһоллору туорааһын күрэххэ 2 саҥа этабы киллэрэн, оҕолорго билиһиннэрэн, көхтөөх кыттыыны ылан, астынан бардылар. "Бииргэ тэрээһин диэн эрдэттэн сүбэлэһэн, кэпсэтии ыытыллыбыта. Ол курдук кэлэммит судьуйалаатыбыт, тэрээһиҥҥэ кыттыстыбыт. Түһүмэхтэр наһаа үчүгэйдик ыытылыннылар. Барыта туох да тохтоло суох, ким даҕаны туора турбакка, наһаа көхтөөхтүк буолла. Сылы быһа хамаанданан күрэхтэһэллэр эбит, ол иһин хамаандалар ыга түмсүүлээхтэрэ көстөр. Улахан оҕолор кыраларга көмөлөһөллөрө көрөргө наһаа үчүгэй" - Валентин Николаевич санаатын үллэһиннэ. Николай Николаевич тэрээһин туһунан санаалара: "Бүгүн ыам ыйын 19 к. Пионерия күнүгэр Чакыр орто оскуолатыгар кэлэн тэрээһини ыытыстыбыт. Туризм өттүттэн 2 этапка турдубут. Быйыл саҥа этап тарзанканан. Тарзанканы көрдөрдүбүт, үөрэттибит. Специальнай оборудование баар - жумар диэн, ону аҕалан оҕолорго билиһиннэрдибит, көрдөрдүбүт. Сэҥээрэ истибитим диэн хамаандалары үөрэх дьылын саҕаланыыта арааран, спортивнай эрэ буолбакка, араас хайысхалаах күрэхтэри тэрийэн күрэхтэһэллэр эбит. Сөпкө гынар эбиккит диэн сыаналаатым. Тоҕо диэтэххэ оҕолор түмсүүлээхтэрэ көстөр, бары харахтарын уота умайа сылдьар, биир даҕаны тыҥкыныы сылдьар, кыттыбаппын диэн аккаастанар оҕону көрбөтүм. Ону сэҥээрэ көрдүм. Бу тэрээһини бары күүтэллэр, кэтэһэллэр эбит. Бары бэлэмнээхтэрэ көстөр. Сылы быһа хамаандалар бииргэ сылдьыбыттара, биир сомоҕо буолбуттара харахха быраҕыллар. Биһиги ыытар тэрээһиннэрбитигэр Тихон Михайлович куруук оҕолору аҕалан кытыннарар уонна өрүү кыайаллар. Мин бүгүҥҥү сыалым-соругум диэн хайдах оҕолору дьарыктаан, түмэн, кыайыыны ситиһэллэрий диэн этэ. Ону көрдүм-иһиттим. Мин санаабар арааһа ити сылы быһа үлэҕит көстөр. Хамаандаларга " командный дух" баар, кыра кылаастартан саҕалаан ити киһи хараҕар олох биллэ көстөр. Ону таһынан төрөппүттэр уонна учууталлар оҕолору кытары тэбис тэҥҥэ кыттыыны ылаллара наһаа үчүгэй эбит. Хас эмэ сылы быһа бу тэрээһини умнубакка, үгэскэ кубулутан ыыта сылдьаргыт наһаа үчүгэй. Марфа Семеновнаҕа махтанабыт, тэрээһиҥҥэ ыҥыран кытыннарбыккытыгар. Астык, умнуллубат тэрээһин буолла!" Ол курдук түмүк маннык буолла: 1 🥇миэстэ - «Көҥүл пэпэлэр", хамандыыр Эльдар Оконешников 10 кыл. 2 🥈миэстэ - «Дархан», хамандыыр Дархан Григорьев 10 кыл. 3 🥉 миэстэ - «Дьулуур», хамандыыр Ринат Гаврильев 10 кыл. Хамаанданан күрэххэ бирииһи олохтоото Любовь Ивановна үөрэнээччитэ, оскуолабыт 2000 с. выпускницата Моника Малыкайцева. 👍🏻👏🏻👏🏻👏🏻 Хамандыырдарга директоры иитэр үлэҕэ солбуйааччы Евгения Владимировна уонна директор советнига Светлана Николаевна, комиссардарга директор Марфа Семеновна минньигэс бэлэҕинэн күндүлээтилэр. 👏🏻👏🏻👏🏻 Онон бүгүҥҥү тэрээһиммит олус тэрээһиннээхтик, сэргэхтик ааста.