Бүген мәктәптә яңа уку елына әзерлек буенча педагогик совет үткәрелде📑📚📊 — 31 августа 2026 г. в 13:52:27.453
Бүген мәктәптә яңа уку елына әзерлек буенча педагогик совет үткәрелде📑📚📊 Коллектив белән берлектә узган уку елының нәтиҗәләре тикшерелде, алдагы елга планнар билгеләнде. Төп игътибар белемнең сыйфатына, укучыларның предмет буенча белемнәрен ныгытуга, шулай ук тәрбия эше буенча чаралар системасына юнәлдерелде. Шулай ук укучыларны 1 сентябрьгә әзерләү, кирәкле документларны рәсмиләштерү, уку-укыту процессының барлык аспектлары буенча эшләр каралды. Укыту-тәрбия эшләре буенча директор урынбасары Хәбирова Ләйлә Фарисовна министрлык тарафыннан тәкъдим ителгән яңа приказлар, тәртипләр һәм планнар белән таныштырып үтте. Тәрбия эше буенча директор киңәшчесе Мингазова Рәмилә Рөстәм кызы «Мәктәпнең тәрбия мохите — бердәм мәгариф мәйданының мөһим компоненты: ресурслар һәм технологияләр» дигән темага эчтәлекле чыгыш ясады. Чыгышта төп игътибар заманча тәрбия технологияләренә, «Беренчеләр хәрәкәте»н активлаштыруга һәм гаилә белән мәктәп арасындагы бердәмлекне ныгытуга юнәлтелде. Безнең максат — һәр укучыга сыйфатлы белем биреп, аның сәләтен ачарга ярдәм итү. Укытучыларга, укучыларга, ата-аналарга нәтиҗәле эш, уңышлы уку елы телибез! 💪