🕊🕊Кэбээйи орто оскуолатыгар «Кыайыы түннүгэ» акция! — 6 мая 2026 г. в 08:23:03.482
🕊🕊Кэбээйи орто оскуолатыгар «Кыайыы түннүгэ» акция! ⭐️🇷🇺Кыайыы күнэ – бу хорсун быһыы уонна биһиги эһээлэрбит, хос эһээлэрбит эр санааларын бэлиэтэ буолар. Улуу Кыайыы 81-с сылын көрсө, Кэбээйи орто оскуолатыгар ыам ыйын 4 күнүттэн бүтүн россиятааҕы Кыайыы түннүгэ («Окно победы») диэн акция ыытылла турар. Бу акцияҕа 1 кылаастан 11 кылааска дылы сыл аайы кыттабыт. Биһиги билиҥҥи эйэлээх олохпут туһугар хорсуннук сэриилэспит эһээлэрбит, убайдарбыт, хос эһээлэрбит ааттарын харыстаан, умнубат туһугар маннык акцияларга көхтөөхтүк кыттабыт. 🇷🇺Бу күннэргэ оскуолабытыгар хас бирдии кылаас түннүгэ киэргэнэн турар. Манна бааллар Кыайыы Знамята, геройдар мэтириэттэрэ, фронтовай суруктар, хоһооннор. Таһырдьа ааһан иһэр дьон биһиги түннүктэрибитин көрө-көрө, күннэрэ үчүгэйдик ааһыа диэн эрэнэбит. Мин кылааһым оҕолорун кытта эмиэ туора турбакка, акцияҕа көхтөөхтүк кытынныбыт. Кумааҕынан холууп, сибэкки о.д.а. кырыйан, эйэлээхтик сыһыардыбыт. 🇷🇺⭐️Хас биирдии маннык түннүк – бу киэргэл эрэ буолбатах. Бу – тыыннаах история, биһиги эйэлээх олохпутун өйдөбүлэ. Акция ыам ыйын 9 күнүгэр дылы ыытыллар уонна инникитин да салҕыы буолуо диэн эрэнэбит! 📝Карина Сыроватская, 7 кылаас, «Дьоҕур» медиакиин, Кэбээйи орто оскуолата