Бүгүн, Ыам ыйын 18 күнүгэр, Тамалакаан орто оскуолатыгар "Ааҕар хос" үөрүүлээх арыллыыт... — 19 мая 2026 г. в 08:26:13.678
Бүгүн, Ыам ыйын 18 күнүгэр, Тамалакаан орто оскуолатыгар "Ааҕар хос" үөрүүлээх арыллыыта буолла. Бу тэрээһин сүрүн тиэмэтэ кэнчээри ыччаты ааҕыыга угуйуу, төрөөбүт түөлбэбититтэн тахсыбыт талааннаах суруйааччы Афанасий Игнатьевич Федоров 100 сылын бэлиэтээн, эһиил кини доҕоро, биир дойдулаахпыт, Семен Титович Руфов 100 сылын санатан, өрө көтөҕүллүүлээхтик ыытылынна. Үөһээ Бүлүү улууһун Үөрэҕин салалтатыттан салайааччы- Кынатов Юрий Васильевич, Дьокуускай куораттан Саха народнай поэта, тылбаасчыт- Семен Титович Руфов уола- Руфов Максим Семенович, Тамалакаан нэһилиэгин баһылыга, Петр Прокопьевич Иванов,Үөһээ Бүлүүттэн Ийэ тыл сүбэтин салайааччыта- Хобусарова Антонина Гаврильевна, Ийэ тыл дьаһабылын сүрүннээччи- Васильева Варвара Васильевна, ыаллыы сытар нэһилиэктэрбититтэн кыраайы үөрэтэр учууталлар -Ороһуттан Васильева Сардана Николаевна, Михайлова Нина Никитична, Харбалаах орто оскуолатын саха тылын учууталлара: Филиппова Алёна Юрьевна, Колтовская Туйаара Трофимовна кэлэн истиҥник эҕэрдэлээтилэр, "Ааҕар хоско" араас интэриэһинэй кинигэлэри бэлэхтээтилэр. Оскуола оҕолоро ыалдьыттарга суруйааччылар айымньыларыттан быһа тардыылары оонньоотулар. Афанасий Федоров "Олох долгуннара" романыттан "Ырыган Ыстапаан дьиэ кэргэнин олоҕуттан" быһа тардан көрдөрдүлэр. Саха норуотун поэта, Семен Титович Руфов, араас омук суруйааччыларын айымньыларын тылбаастарын уус-ураннык ааҕан иһитиннэрдилэр, ырыа ыллаатылар. Араас норуот айымньыларын дьоруойдарын муодалаан көрдөрдүлэр. Тамалакаан нэһилиэгин эр дьоно үөрэнээччилэргэ анаан, кинигэ суолтатын туһунан хоһооннору аахтылар. Түмүгэр Семен Руфов "Ааҕааччыбар алгыс" хоһоонунан түмүктэннэ. Ыҥырыылаах ыалдьыттары, үөрэнээччилэри, учууталлары барыларын алгыстаах остуолунан күндүлээтилэр. " Ааҕар хос" кэлэр кэнчээри ыччаты ааҕыыга угуйа, уус-уран тыл алыбар умсугута, киэҥ билиигэ сирдии турдун!