VI УЛУУСТААҔЫ «БАСХАН – 2026» ДЬЫАЛАБЫАЙ ООННЬУУ ТҮМҮКТЭННЭ
VI УЛУУСТААҔЫ «БАСХАН – 2026» ДЬЫАЛАБЫАЙ ООННЬУУ ТҮМҮКТЭННЭ Кулун тутар 26 күнүгэр VI луустааҕы «БАСХАН – 2026» дьыалабыай оонньуу буолан ааста. Бу күрэх ыытыллар сыалынан-соругунан буолар: 1. Уол оҕо дириҥ өйдөбүллээх, киэҥ билиилээх, ырааҕы ыраҥалыыр киэҥ толкуйдаах буоларын ситиһии. 2. Төрөөбүт дойдуга, Ийэ сиргэ үтүө сыһыаҥҥа иитии. 3. Уол оҕону, эр киһини өрө тутан уопсастыбаҕа билиһиннэрии, киэҥ эйгэҕэ таһаарыы. 4. Аҕа оруолугар болҕомто ууран, бэйэ-бэйэҕэ истиҥ доҕордуу сыһыаны үөскэтии. «Басхан» диэн тыл Лиидэр- диэн тыл тылбааһа. Ол аата бас-көс, баһылыыр диэн суолталаах. Эр киһи ханна да буоллун тэрилтэтигэр да, дьиэ кэргэнигэр да буоллун бас-көс, төһүү, тутаах, ылыннарыылаах тыллаах, ырааҕы өтө көрөр дириҥ өйдөбүллээх, киэҥ билиилээх, сатабыллаах киһи буолуохтаах. Маннык суолталаах ааты ылбыт уолаттарбыт кэлин нэһилиэктэрин, улуустарын, өрөспүүбүлүкэлэрин салайыахтара, тутаах дьонноро буолуохтара диэн эрэлбит улахан. “Басхан” - бырайыак автордара Үөһээ Бүлуүү улууһун Харбалаах нэһилиэгин, И.Н.Барахов аатынан государственность музейын сүрүн специалиһа - Семенова Евдокия Павловна уонна «Тускул» оҕо киинин иһинэн үлэлиир Сомоҕо оҕо хамсааһынын методиһа - Ильина Саргылана Лукична буолаллар. Күрэххэ оскуолаттан 11 бастыҥ уол кытынна. Уолаттар “Удьуор утума”, «Дойду салайааччылара мин тус бэйэм көрүүбүнэн»,«Өркөн өй»,«Саамай күүстээх лидер-дьону батыһыннарар киһи ду, эбэтэр дьону кытта тэҥҥэ үлэлиир киһи дуу » дьыалабыай оонньуу, «Айыы умсулҕана» түһүмэхтэрин аастылар. . Экспертарынан үлэлээтилэр: Бүгүҥҥү күрэх дьүүллүүр сүбэтин кытта билиһиннэрэрбин көҥүллээҥ 1.Алексей Григорьевич Аргунов – Бэрдьигэстээх нэһилиэгин Аҕа баһылыга. 2.Алексей Алексеевич Оконешников – Мэхээлэ Дьөгүөрэп аатынан Сынньалаҥ киинин директора. 3.Анатолий Васильевич Лю-фа – Горный ЖилКомСервис тэрилтэ салайааччыта, Горнай улууһун депутата. 4.Михаил Васильевич Оленов – Бэрдьигэстээх нэһилиэгин депутаттарын председателя. 5.Карл Кононович Сидоров – Людмила Егоровна Лукина аатынан Эбии үөрэхтээһин киинин педагога. Күрэх түмүгүнэн кыттааччыларга маннык анал ааттар иҥэрилиннилэр: “Удьуор утума салҕыыр Басхан” аат иҥэрилиннэ- Филиппов Савелийга, В.Д. Лонгинов аатынан Атамай орто оскуолатын 10 кылааһын үөрэнээччитэр. “Сайдам саҥа Басхана” аат иҥэрилиннэ- Кузьмин Эрчимҥэ, Софр.П. Данилов аатынан Дьиикимдэ орто оскуолатын 8 кылааһын үөрэнээччитэр. “Кэскиллээх кыттааччы” аат иҥэрилиннэ Аргунов Николайга, С.П. Данилов аатынан орто оскуола 10 кылааһын үөрэнээччитэр. “Киэҥ көрүүлээх Басхан” аат иҥэрилиннэ Георгий Тарасовка, А.Н. Осипов аатынан орто оскуола 10 кылааһын үөрэнээччитэр. “Өркөн өй Басхана” аат иҥэрилиннэ Дамиан Даниловка, Кировскай орто оскуола 10 кылааһын үөрэнээччитэр. “Хомоҕой тыл Басхана” аат иҥэрилиннэ Валентин Стручковка, С.И. Тарасов аатынан Өрт орто оскуола 9 кылааһын үөрэнээччитэр. “Кыайыыга дьулуур” аат иҥэрилиннэ Вячеслав Соколовка, С.Г. Ковров аатынан Күөрэлээх орто оскуолатын 11 кылааһын үөрэнээччитэр 3 үктэл иҥэрилиннэ Саввинов Афанасийга, Л.Н. Харитонов аатынан Маҕарас орто оскуолатын 10 кылааһын үөрэнээччитэр. 2 үктэл иҥэрилиннэ Тимофеев Арсеҥҥа, Кэптин орто оскуолатын 11 кылааһын үөрэнээччитэр. Ол курдук 1 үктэл ылла Максимов Дьулустан, С.И. Тимофеев-Кустуктаанап аатынан Маҥаны орто оскуолатын 11 кылааһын үөрэнээччитэ. “Кылаан кыайыылаах” үрдүк ааты В.В. Филиппов аатынан улуустааҕы гимназия 10 кылааһын үөрэнээччитэ Богдан Луковцев ылан Горнай улууһун аатыттан муус устар 9-10 күннэригэр Үөһээ-Бүлүүгэ кыттыаҕа. Уолаттары бука барыгытын э5эрдэлээн туран, үрдүк ситиһиилэри, инникитин киэҥ көрүүлээх, ылыннарыылаах тыллаах, сиэрдээх майгылаах буолан, бас-көс дьоһун дьоннор буолан, улуускут, өрөспүүбүлүкэҕит чиэһин көмүскүү сылдьар буолуҥ диэн алҕыыбыт.