Новости МБУ ДО "Верхневилюйская ДЮСШ им. Д.Е. Корякина"
Новости · 30 апреля 2026 г.
_*Үөһээ Бүлүү улууһун эдэр кэскиллээх мадьынылара Чебоксар куоракка Россия Чемпионнара ...
_*Үөһээ Бүлүү улууһун эдэр кэскиллээх мадьынылара Чебоксар куоракка Россия Чемпионнара буоллулар.*_ *Муус устар 24-27 күннэригэр Чебоксар куоракка ыытыллар Россиятааҕы мас тардыһыыга бастыыр иһин күрэхтэһиигэ Үөһээ Бүлүү улууһуттан Габышев Харысхан, Саввинов Саян, Захаров Александр кыһыл көмүс мэтээли кэттилэр.* Күрэхтэһиигэ барыта 30 регионтан 300-тэн тахса оҕо кытынна. Үөһээ Бүлүү улууһуттан Саха Өрөспүүбүлүкэтин чиэһин көмүскүү 4 оҕо ситиһиилээхтик кытыннылар. *Ол курдук, Саха Сирин, Үөһээ Бүлүү улууһун чиэһин көмүскээтилэр:* _Үөһээ Бүлүүтээҕи 2-с нүөмэрдээх орто оскуола үөрэнээччитэ, өрөспүүбүлүкэ чемпионката уонна хас да төгүллээх призера Бусель Мария;_ _Үөһээ Бүлүүтээҕи И. Н. Барахов аатынан 1-кы нүөмэрдээх орто оскуола үөрэнээччитэ, өрөспүүбүлүкэ икки төгүллээх чемпиона, "Азия оҕолоро" аан дойдутааҕы оонньууларга үрүҥ көмүс мэтээллээх, Уфа куоракка ыытыллыбыт Россиятааҕы чемпионатка бронза мэтээллээх, Чебоксар куоракка ыытыллыбыт мас тардыһыыга бастыыр иһин күрэхтэһии чемпиона Саввинов Саян;_ _Боотулуу орто оскуолатын үөрэнээччитэ, "Азия оҕолоро" аан дойдутааҕы оонньуулар чемпиона, Россия чемпиона, Чебоксар куоракка ыытыллыбыт мас тардыһыыга бастыыр иһин күрэхтэһии чемпиона Захаров Александр;_ _Дьокуускайдааҕы автодорожнай техникум устудьуона, "Азия оҕолоро" аан дойдутааҕы оонньуулар чемпиона, "Ердинские игры" аан дойдутааҕы оонньуулар чемпиона, Чебоксар куоракка ыытыллыбыт мас тардыһыыга бастыыр иһин күрэхтэһии чемпиона Габышев Харысхан._ *Бу үрдүк көрдөрүүннэн уонна ситиһииннэн оҕо спорт оскуолатын мас тардыһыыга үрдүкү категориялаах тренерын Охотин Геннадий Михайловиһы итиитик-истиҥник эҕэрдэлиибит. Кэскиллээх ыччаты спортка угуйан иитиигэ, чемпионнары таһаарыыга сүҥкэн кылааткар махтанабыт. Оҕолорбутугар уонна тренерга өссө үрдүктэн үрдүк ситиһиилэри баҕарабыт.* #Масрестлинг #МасТардыһыы #Спорт #ҮөһээБүлүү #ДетскийСпорт https://max.ru/id1407005163_gos/AZ3Mr3N6B94