🚴♀️🚲 Горнай улууһун 95 сылыгар уонна Бэрдьигэстээх күнүгэр аналлаах «Бэрдьигэстээх –... — 5 сентября 2026 г. в 06:43:42.807
🚴♀️🚲 Горнай улууһун 95 сылыгар уонна Бэрдьигэстээх күнүгэр аналлаах «Бэрдьигэстээх – улуус тэбэр сүрэҕэ» Велоквест ситиһиилээхтик ааста! 🚲🚴♂️ Балаҕан ыйын 5 күнүгэр С.П. Данилов аатынан Бэрдьигэстээх орто оскуолатын тэлгэһэтиттэн старт ылан, улууспут килбэйэр киинин устата тыҥааһыннаах киирсиилээх велоквест түмүктэннэ! 🎉 Бу аҥардас күрэхтэһии буолбатах, историческай таабырыннардаах, хаартыскаҕа түһэриилээх, хамаанданан тургутуулаах дьиҥнээх интеллектуальнай-спортивнай оонньуу буолла! Бэрдьигэстээх оскуолаларыттан 8-тыы киһилээх хамаандалар (7-11 кылаас) уонна дьиэ кэргэн 4 киһилээх хамаандалара бэйэлэрин сымсаларын, билиилэрин-көрүүлэрин уонна сомоҕолоһууларын көрдөрдүлэр. 🚀 Кыттааччылар Бэрдьигэстээх кэрэхсэбиллээх сирдэринэн сырыттылар, араас ыйытыктарга хоруйдаатылар уонна биир сомоҕо буолалларын көрдөрдүлэр. Ону таһынан, суол быраабылатын тутуһуу уонна куттала суох айаннааһын үөрүйэхтэрин бэрэбиэркэлээтилэр. Ыҥырыылаах ыалдьыппыт, полиция старшай лейтенана, ДПС командира Петров Дмитрий Михайлович, кыттааччыларга күүс-көмө, ситиһиилэри баҕарда, суол быраабылаларын билиһиннэрдэ. 🏆 Күрэх түмүгүнэн кыайыылаахтар грамота, мэтээл, кубок уонна өйдөбүнньүк бэлэхтэрин туттулар! Дьиэ кэргэнинэн күрэххэ: • 1 миэстэ – 6 «А» кылаас дьиэ кэргэнэ • 2 миэстэ – 5 «В» кылаас дьиэ кэргэнэ • 3 миэстэ – Константиновтар дьиэ кэргэн Оҕолорго хамаанданан күрэххэ: • 1 миэстэ – 10 «Б» кылаас хамаандата • 2 миэстэ – Бэрдьигэстээх улуустааҕы гимназиятын хамаандата • 3 миэстэ – Хомуур хамаанда (6-8 кылаас) Бары кыттааччыларга улахан махтал! Эһиги бары бүгүҥҥү күҥҥэ кыайыылаах буолаҕыт! Олоххо куруук көхтөөх буолуҥ, спорттуун доҕордоһуҥ уонна төрөөбүт дойдугут туһунан билиигитин кэҥэтэ туруҥ! #Бэрдьигэстээх #ГорнайУлууһа95 #Велоквест #Спорт