Алтынньы ый 9 күнэ: Үтүө киһи аата үйэтийэр! ✨📜
Алтынньы ый 9 күнэ: Үтүө киһи аата үйэтийэр! ✨📜 Алтынньы ыйын 9 күнүгэр, С.Г. Ковров аатынан Күөрэлээх орто оскуолатыгар 🏫 историяҕа бэлиэ күн буолла! Ол курдук, чаҕылхай педагог-учуутал, методист-экспериментатор Андрей Дмитриевич Лебедкин сырдык аатын үйэтитиигэ аналлаах бюст арылынна. 🎊👏 Үөһээ Бүлүүттэн төрүттээх новатор, экспериментатор учуутал Андрей Дмитриевич Лебедкин 👨🏫 Күөрэлээхпитигэр 1939-1942 сылларга кэлэн Дьөгүөр Эбэтин оскуолатыгар үлэлээбитэ. Ол ыарахан кэмнэргэ оҕолор тустарыгар олус кыһаллан , биир да оҕо аччыктааһын, тоҥуу-хатыы диэни билбэтигэр үлэлэспитин туһунан , ол саҕана үөрэммит дьон ахтыыларыттан билэбит. Кини өссө 60-с сылларга Намҥа оҕону 6 сааһыттан үөрэтэргэ эксперимент оҥорон ситиһиилээхтик үлэлээбитэ биллэр. 📚💡 Оскуолабыт 3-с кылааһын үөрэнээччилэрэ, салайааччылара Петрова Дарина Егоровналыын, А.Д. Лебедкин аатын инэрилиннэ, кини туһунан өссө да чинчийэр үлэлэр ыытыллыахтарыгар олук уурулунна. 🔎🎓 Аҕаларын кэриэһигэр кыргыттара Елена уонна Альбина Андреевалар 👭 А.Д. Лебедкин бюһун оскуолаҕа бэлэхтээн, кини аатын үйэтиттилэр. 🙏🎁 Үтүө дьон аата умнуллубатын! 🌟 Мэлдьи ытыктабыллаах буоллун!