✨Рубрика канала "НАВИГАТОРЫ ДЕТСТВА"✨
✨Рубрика канала "НАВИГАТОРЫ ДЕТСТВА"✨ 👍👍👍Байанай ыйын көрсө — «Астык алтыстар, сэргэх сэттистэр» Сэтинньи ый — сахаҕа дириҥ суолталаах Байанай ыйа. Бу бэлиэ кэми көрсө, Л. Н. Харитонов аат. Маҕарас орто оскуолатын үөрэнээччилэригэр «Астык алтыстар, сэргэх сэттистэр» диэн бэртээхэй күрэх ыытылынна. Тэрээһин 6–7 кылаас оҕолоругар ананна. Күрэх сүрүн сыалынан күһүҥҥү сынньалаҥы сэргэхтик атаарыы уонна оҕолорго өбүгэлэрбит үтүө үгэстэрин, булт-алт сиэрин-туомун билиһиннэрии буолла. Оҕо саас сирдьитэ директор сүбэһитэ уонна саха тылын литературатын учуутала түһүмэхтэрин сахалыы тыыннаан, бултка-алтка сыһыаннаан толкуйдаабыттара. Оҕолор хас да көрдөөх уонна сатабыллаах түһүмэҕи аастылар: * Ойбон алларыы: күүс-уох, сымса буолууну эрэйэр күрэх. * Куйуурдааһын: өбүгэлэрбит кыһыҥҥы биир сүрүн дьарыктара. * Бултка уһуйуллуу: көрдөөх оонньуу быһыытынан ыытылынна. * Өс хоһооннорун таайыы: сахалыы тыл-өс баайын, мындырын тургутуу. Оҕолор күннэрин оонньоон-көрүлээн, билиини-көрүүнү хаҥатан, биир умнуллубат күнү атааран, дьиэлэригэр сүргэлэрэ көтөҕүллэн тарҕастылар. Байанай ыйа барыбытыгар өлгөм бултаах-астаах, үөрүүлээх түгэннэрдээх буоллун!👍👍👍