Бүгүн, балаҕан ыйын 3-с күнүгэр, Үөһээ Бүлүү улууһун историятыгар киирэр бэлиэ күн буол... — 3 сентября 2026 г. в 08:07:06.009
Бүгүн, балаҕан ыйын 3-с күнүгэр, Үөһээ Бүлүү улууһун историятыгар киирэр бэлиэ күн буолла! Ол курдук, "Биир ньыгыл Россия" партия үөрэҕи өйүүр норуодунай бырагыраамматын чэрчитинэн Үөһээ Бүлүүтээҕи М. Т. Егоров аатынан 2-с нүөмэрдээх орто оскуолаҕа С. Ф. Гоголев аатынан Дьокуускайдааҕы педагогическай колледж филиала үөрүүлээх быһыыга-майгыга арылынна. Бу сыл тохсунньу 22 күнүгэр Дьокуускай куоракка Үөһээ Бүлүүгэ педагогическай колледж салаатын арыйар туһунан үс өрүттээх Сөбүлэҥ түһэриллибитэ. Ол Сөбүлэҥҥэ суруллубут мэктиэлэри толорон, элбэх үлэни ыытаммыт, саҥа үөрэх сылыгар колледж филиала үлэтин саҕалаата. Үөһээ Бүлүүгэ арыллыбыт Дьокуускайдааҕы педагогическай колледж филиала өрөспүүбүлүкэ үрдүнэн соҕотох очно үөрэтэр филиал буолар. Быйыл 12 устудьуон босхо үөрэххэ киирдилэр. Аны 3 сылынан дипломнарын ылан, алын сүһүөх кылаас үөрэнээччилэрин үөрэтэр учууталлар буолуохтара. Билигин улууспут үрдүнэн алын сүһүөх кылаас учууталларын ахсааныттан 70%-на аҕа саастаахтар үлэлииллэр. Аны аҕыйах сылынан каадыр кыһалҕата үөскүөн сөбүн өйдөөн, инники сылларга тыа оскуолаларыгар каадыр кыһалҕатын быһаарар сыалтан бу педагогическай колледжы арыйарга санаммыппыт. Колледж филиалын арыллыыта быйыл үөрэҕэриибит 150 сыллаах үбүлүөйүгэр олус дириҥ суолталаах уонна кэскиллээх түгэн буолла. Үөрүүлээх түгэни үллэстэ, устудьуоннары эҕэрдэлии Дьокуускайдааҕы колледж улуустааҕы салааларын сэбиэдиссэйэ Вероника Валерьевна Майзик уонна колледж алын сүһүөх кылаас үөрэҕин салаатын сэбиэдиссэйэ Надежда Михайловна Челбердирова кэлэн кыттыыны ыллылар. С. Ф. Гоголев аатынан Дьокуускайдааҕы педагогическай колледж Үөһээ Бүлүүтээҕи филиалын үөрүүлээхтик арыйыы сиэрин-туомун кэннэ устудьуоннар сонно тута бастакы күннэрин үөрэнэн саҕалаатылар. Устудьуоннарга ситиһиини баҕарабын, аны 3 сылынан үөрэххитин ситиһиилээхтик бүтэрэн улууска туһалаах, аатаах-суоллаах үтүө учууталлар буолуоххут диэн эрэлбит улахан! Колледж филиалын Үөһээ Бүлүүгэ арыйыыга сүҥкэн кылааты киллэрбит Ил Дархаммытыгар Айсен Сергеевичка, тэӈӈэ үлэлэспит Саха Өрөспүүбүлүкэтин үөрэх уонна билим миниистиригэр Нюргуна Афанасьевнаҕа уонна С. Ф. Гоголев аатынан Дьокуускайдааҕы педагогическай колледж директорыгар Изольда Николаевнаҕа ис сүрэхтэн махтанабыт! Салгыы филиалбыт үрдүк көрдөрүүлээх, кэскиллээх буоларыгар үлэлиэхпит! #ЯПК #ЯкутскийПедагогическийКолледж #ҮөһээБүлүү #ЕдинаяРоссия #НароднаяПрограмма #Образование #Үөрэҕэрии150сыла max.ru/channel_VNikolaev