Аан дойдутааҕы оскуола библиотекатын күнүн чэрчитинэн ыытыллыбыт "Ааҕыы чемпионата" буо...
Аан дойдутааҕы оскуола библиотекатын күнүн чэрчитинэн ыытыллыбыт "Ааҕыы чемпионата" буолла. Маҥнайгы чиэппэр бүтүүтэ, Аан дойдутааҕы оскуола библиотекатын күнүн чэрчитинэн, оскуолабыт алын кылааһын үөрэнээччилэригэр анаан "Чемпионат чтения" диэн ааҕыыга күрэхтэр олус истиҥ уонна үөрүүлээх быһыыга-майгыга буолан аастылар📚 Бу тэрээһин оҕолору кинигэҕэ тапталларын күүһүртэ, кинигэ аартыгар чугаһатта🙌🏻🥳 Күрэхтэһии нуучча уонна саха тылынан ыытылынна. 2, 3 уонна 4 кылаас оҕолоро дорҕоонноохтук, ыраастык айымньылары ааҕан, барыбытын умсугуттулар. Кинилэр хас биирдии тылы, этиини сүрэхтэриттэн таһааран, истээччилэри кэрэхсэттилэр. Оскуолабыт библиотекаря Вера Степановна сыл аайы ыытар бу курдук кэрэхсэбиллээх тэрээһиннэрин оҕолор олус сөбүлээн кытталлар. Билиҥҥи оҕолор кинигэ ааҕаллара аҕыйаҕынан сибээстээн, Вера Степановна күүстээх үлэтинэн ааҕар оҕо ахсаана биллэ элбээтэ. Кини кинигэ ааҕыыны оҕоҕо чугаһатар, интэриэһи үөскэтэр дьоҕура хайҕаллаах🥳📚 Күрэххэ миэстэлэспит оҕолорго Вера Степановна сэмэй бэлэхтэри уонна туоһу суруктары туттартаата. Оҕолор бу түгэҥҥэ үөрүүлэрэ-көтүүлэрэ харахха быраҕыллар🥰🙌🏻 Ону таһынан, оҕолорго уонна төрөппүттэргэ кылаастарынан араартаан айымньылары ааҕарга дьиэҕэ сорудахтаата, ол түмүгүнэн кэлэр чиэппэргэ викторина күрэҕин ыытыаҕа. Бу дьиэ кэргэнинэн ааҕыы оҕону кинигэҕэ өссө чугаһатар, дьиэ кэргэн сыһыанын бөҕөргөтөр. Биһиги библиотекарьбыт Вера Степановна саамай улахан ситиһиитинэн буолла төрөппүттэр кини үлэтин туһунан махталлаах отзывтара. Кинилэр Вера Степановна оҕолору кинигэ ааҕыыга угуйарын, кинилэр билиигэ тардыһыыларын күүһүрдэрин бэлиэтээтилэр. Үлэ түмүгэ ситиһиилээх буолара хайа да киһиэхэ улахан дьол буолар. Бу тэрээһин барыбытыгар билии уонна кинигэ суолтатын өссө төгүл өйдөттө. «Улуу дьол ааҕарга баар. Эдэриттэн ааҕа үөрэммит эрэ киһи ол дьолтон үрдүк үөрүүнү сомсор» диэн улуу убайдарбыт тыллара улахан суолталааҕын өйдүөхтээхпит. Билиигэ-көрүүгэ тардыһыылаах, кинигэни ааҕар оҕо тыла, өйө-санаата баай буоларын өйдүөхтээхпит🙌🏻 #Росдетцентр #НавигаторыДетства #ОткрываяСтраницы