НО

Новости образования Верхневилюйского улуса

Госорганы и учреждения · 4 ноября 2026 г.

Открыть канал в MAX

Сэтинньи 3 күнүгэр, Н. К. Седалищев- Дьүөгэ Ааныстыырап аатынан Кэнтик орто оскуолатыга...

Сэтинньи 3 күнүгэр, Н. К. Седалищев- Дьүөгэ Ааныстыырап аатынан Кэнтик орто оскуолатыгар улууска биллэриллибит вторник- доруобуйа күнүн чэрчитинэн, төрөппүттэргэ аналлаах истиҥ көрсүһүү буолла. Улуустааҕы үөрэх үлэһиттэрин бэтэрээннэрин Сэбиэтин, Кэнтик оскуолатын салалтатын, директор Владислав Николаевич көҕүлээһиннэринэн буолбут тэрээһиҥҥэ кыттыыны ыллылар - СР үөрэҕириитин туйгуна, РФ уопсай үөрэхтээһинин бочуоттаах үлэһитэ, Спиридоновтар педагогическай династия чилиэнэ Раиса Дмитриевна Спиридонова, М. А. Алексеев лицей интернатын преподавателя, СР үөрэҕириитин үтүөлээх үлэһитэ, "Үөһээ Бүлүү улууһа" МО, "Үөһээ Бүлүү бөһүөлэгэ" МТ Бочуоттаах олохтооҕо Григорий Степанович Золотарев. Кини чуолаан, РФ үөрэххэ министиэристибэтин 2030 сылга диэри государственнай программатын региональнай тиһиккэ ыччаты Ийэ дойдуга бэриниилээх буолууга, патриотизм тыыныгар иитии сүрүн соруктарын, оҕону дьиэ кэргэҥҥэ иитии туһунан бэйэтин үлэтигэр баай уоппутуттан кэпсээтэ. Раиса Дмитриевна оҕону дьиэ кэргэҥҥэ үлэннэн иитии, сөптөөх хамсаныы, эти - сиини сайыннарыы туһунан бэйэтин анал тематын, дьиэ кэргэҥҥэ иитии уоппутуттан сиһилии кэпсээтэ. Тэрээһиҥҥэ кэлбит төрөппүттэр олус сэргээн иһиттилэр, махталларын эттилэр. Көрсүһүү түмүгэр бары тэҥҥэ дорҕоонноохтук "Догордоьуу ырыата" ыллаан, сүргэ көтөҕүллэн тумуктээтилэр. Инникитин маннык тэрээһиннэри бэтэрээннэр Сэбиэттэрэ хас нэдиэлэ иккис күнүгэр үөрэх тэрилтэлэринэн ыытары былаанныыр. #доруобуйа күнэ #Кэнтик оскуолата #Бэтэрээннэр Сэбиэттэрэ