Муус устар 30 күнүгэр Аан дойдутааҕы үҥкүү күнүн көрсө, Россияҕа культура, норуоттар со... — 4 мая 2026 г. в 08:49:09.237

Муус устар 30 күнүгэр Аан дойдутааҕы үҥкүү күнүн көрсө, Россияҕа культура, норуоттар сомоҕолоһууларын, оскуола иннинээҕи үөрэхтээһин сылларын чэрчитинэн – биһиги уһуйааммытыгар IV-с төгүлүн ыытыллар «Кэнчээрилэр үҥкүүлүүллэр» диэн үлэһиттэр икки ардыларыгар ыытыллар паранан үҥкүү күрэҕэ буолан ааста. Барыта 14 иитээччи, иитээччи көмөлөһөөччүтэ, повар кыттыыны ыллылар. Кыттааччылар араас омук үҥкүүлэрин бэлэмнэнэн испанскай, цыганскай, грузинскай, узбекскай, китайскай, корякскай, нуучча норуоттарын үҥкүүлэрин туруордулар. Дьүүллүүр сүбэҕэ Саха Өрөспүүбүлүкэтин культуратын туйгуна, Саха Өрөспүүбүлүкэтин культуратын үтүөлээх үлэһитэ Бессонова Светлана Прокопьевна, Саха Өрөспүүбүлүкэтин культуратын туйгуна, Ф.Потапов аатынан культура киинин балетмейстера Шакарова Лидия Федоровна уонна бэтэрээн-педагог, Саха Өрөспүүбүлүкэтин үөрэҕириитин туйгуна, Амма нэһилиэгин самодеятельноһын актыбыыһа Слепцова Мария Гаврильевна олордулар. Үҥкүүлэр үрдүк таһымнаахтык толорулуннулар диэн дьүүллүүр сүбэ бэлиэтээтэ. Хас биирдии кыттыбыт пара таҥастарын-саптарын бэйэлэрэ тиктибиттэрэ, үҥкүүлэрин бэйэлэрэ туруорбуттара, муусуканан киэргэтиитин табан оҥорбуттара кэрэхсэннэ. Күрэхтэһии спонсордарынан буоллулар: Яковлев Сергей Семенович, Трофимов Спартак Михайлович, Трофимов Айыысиэн Спартакович, Олесова Майя Майевна, Лукина Сардана Семеновна уонна Кэнчээри уһуйаан бэтэрээннэрэ. Тыҥааһыннаах күрэх түмүгүнэн дьүүллүүр сүбэ маннык сыаналаата: Лауреат I ст. - «Узбекскай үҥнүү» Васильева Юнона, Дьячковская Александра; Лауреат II ст. - «Китайскай үҥкүү» Алексеева Мария, Лонгинова Оксана; Лауреат III ст. - «Нуучча норуотун үҥкүүтэ» Осипова Зоя, Григорьева Лилиана; Дипломант I ст. – «Цыганскай үҥкүү» Тосина Дайаана, Назарова Татьяна; Дипломант II ст. – «Грузинскай үҥкүү» Романова Туйаара, Солдатова Юлия; Дипломант III ст. – «Испанскай үҥкүү» Кривогорницына Оксана, Софронова Ольга; Диплом участника – «Корякскай үҥкүү» Драгунова Матрена, Спиридонова Любовь; Сергей Афанасьевич Зверев - Кыыл Уола аатынан СӨ Национальнай Муусука уонна Үҥкүү тыйаатырын үҥкүүһүтүн Яковлев Сергей Сергеевич сырдык аатынан Яковлевтар дьиэ кэргэн сылын аайы туруорар Анал бириистэрин тутта Алексеева Мария; Өр сылларга Кэнчээри уһуйааҥҥа таһаарыылаахтык иитээччинэн үлэлээбит Яковлева Изабелла Автономовна аатынан кини бииргэ үөрэммит доҕотторо уонна дьиэ кэргэнэ туруорбут Анал бириистэрин хаһаайкатынан буолла Софронова Ольга. Бары спонсордарбытыгар көрдөһүүбүтүн ылынан, күрэҕи тэрийиигэ күүс-көмө буолбуккутугар барҕа махталбытын тиэрдэбит! Үлэҕитигэр үрдүк ситиһиилэри, доруобуйаны, дьиэ кэргэҥҥитигэр иллээх-эйэлээх олоҕу!