Халаан иккис долгунун кэнниттэн Уус Маайа улууһа ууттан босхолонон эрэр — 2 июня 2026 г. в 06:24:17.071
Халаан иккис долгунун кэнниттэн Уус Маайа улууһа ууттан босхолонон эрэр Уус Маайа улууһун сиригэр-уотугар уу таһыма түһэ турар. Алдан өрүс гидрологическай балаһыанньатын СӨ Гражданскай көмүскэлгэ миниистирэ Дмитрий Лепчиков бэрэссэдээтэллээх суһал штаб мунньаҕар дьүүллэстилэр. Уус Маайа сэлиэнньэтигэр уу таһыма 960 см, 12 чаас иһигэр 57 см түспүт. Бу иннинэ ууга барбыт бары тиэргэннэр ууттан босхоломмуттар. Эдьээн сэлиэнньэтигэр уу таһыма 1150 см, суукка иһигэр 55 см түспүт. Манна 8 тиэргэн ууга баран турар. Элдьикээн сэлиэнньэтигэр уу таһыма 1436 см, суукка иһигэр 83 см түспүт. 9 тиэргэн уонна 2 дьиэ ууга баран тураллар. Күпчэй сэлиэнньэтигэр уу таһыма суукка иһигэр 60 см түһэн 1239 см тиийбит. Ууга барбыт тиэргэннэр ахсааннара үскэ диэри аччаабыт, дьиэлэр ууттан толору босхоломмуттар. Томпо улууһун Охотскай Перевоһун уутун ыстаансыйатын оройуонугар уу таһыма 1193 см тэҥ, суукка иһигэр 35 см намтаабыт. 5 тиэргэн ууга барбыт. Хаандыга бөһүөлэгэр уу таһыма 1017 см, суукка иһигэр 17 см түспүт. Оттон Мэҥэ Алдан сэлиэнньэтигэр күөл уута тахсыбытын түмүгэр 1 тиэргэн ууга баран турар. Хаартыска: sakha.gov.ru