Хотугу улуустарга чэпчэтиилээх авиабилиэт атыыга таҕыста — 1 июня 2026 г. в 16:25:19.400
Хотугу улуустарга чэпчэтиилээх авиабилиэт атыыга таҕыста Бэс ыйын 1 күнүттэн Саха сиригэр Арктика хайысхатынан чэпчэтиилээх авиабилиэт атыыта саҕаланна. Тэйиччи сытар оройуон олохтоохторо Дьокуускайга диэри удамыр сыанаҕа көтүөхтэрин сөп. Барыта 14 хайысханан субсидиялаах билиэттэр атыыланаллар. Атыы систиэмэтин тупсардылар. Чэпчэтиилээх билиэтинэн куруук туһанар эрэ дьон буолбакка, нэһилиэнньэҕэ тэҥник тарҕатыы хонтуруолланыа. Бэс ыйын 15 күнүттэн көтөр рейстэргэ билиэттэр атыыга бааллар. Билиэттэри атыылаһарга Саха сирин олохтооҕун ID-та ирдэнэр. Авиабилиэттэри авиахампаанньалар саайтарыттан атыылаһыахха сөп: «Полярные авиалинии» (polar-aero.ru ) уонна «Якутия» (yakutia.aero ). Саха сирин олохтооҕун каартатын card.sakha.gov.ru саайтка оҥотторуохха сөп,ону тэҥэ Алмазэргиэнбанк офистарыгар.