Дьокуускайга бэс ыйын 12 күнүгэр полумарафонтан массыына сырыыта быстах кэмҥэ хааччахтаныа — 11 июня 2026 г. в 12:10:36.364
Дьокуускайга бэс ыйын 12 күнүгэр полумарафонтан массыына сырыыта быстах кэмҥэ хааччахтаныа Киин куоракка бэс ыйын 12 күнүгэр «Забег единства» өрөспүүбүлүкэтээҕи полумарафон ыытыллар. Бу тэрээһининэн сибээстээн, куорат киин уулуссаларынан тырааныспар сырыыта сарсыарда 7:00 чаастан күнүс 16:00 чааска диэри хааччахтаныа. Бу туһунан куорат дьаһалтатын пресс-сулууспата иһитиннэрэр. Хааччахтааһыҥҥа хапсар учаастактар: – Ленин проспега (39 №-дээх дьиэттэн Хабаров уулуссатыгар диэри); – Дзержинскэй уулуссата (Орджоникидзе уулуссатыттан Ленин проспегар диэри); – Октябрьскай уулусса (Орджоникидзе уулуссатыттан Ярославскай уулуссатыгар диэри); – Киров уулуссата (Орджоникидзе уулуссатыттан Аржаков уулуссатыгар диэри); – Короленко уулуссата (Орджоникидзе уулуссатыттан Ленин проспегар диэри); – Аммосов уулуссата (Орджоникидзе уулуссатыттан Ярославскай уулуссатыгар диэри); – Курашов уулуссата (Орджоникидзе уулуссатыттан Ленин проспегар диэри). «Бу миэрэлэр сүүрүү кыттыылаахтарыгар уонна сатыы сылдьааччыларга куттал суох буолуутун хааччыйар сыаллаахтар. Суоппардарга эрдэттэн атын хайысхаларынан айанныыры толкуйдуулларыгар сүбэлиибит», — диэн дьаһалтаҕа бэлиэтээтилэр. Хаартыска: Семен Аммосов/«Саха» НКИХ