Айсен Николаев биэс бастыҥ губернатордар рейтиннэригэр киирдэ — 25 июня 2026 г. в 07:41:26.142
Айсен Николаев биэс бастыҥ губернатордар рейтиннэригэр киирдэ Ил Дархан Айсен Николаев 2026 сыл ыам ыйын уонна бэс ыйын түмүгүнэн губернатордар рейтиннэригэр биэс иһигэр киирдэ. Кини иннигэр Татарстан баһылыга Рустам Минниханов, Москва мээрэ Сергей Собянин уонна Чечня салайааччыта Рамзан Кадыров бааллар. «Рейтинг» информационнай коммуникациялар Киинэ «Национальнай рейтинг» бырайыак чэрчитинэн Россия субъектарын баһылыктарын 2026 сыл ыам ыйынааҕы-бэс ыйынааҕы үлэлэрин сыаналаан бу чинчийиини таһаарда. «Национальнай рейтинг» экспердэрэ норуоттар икки ардыларынааҕы таһымҥа да, бүтүн Россиятааҕы таһымҥа да бэлитиическэй, экономическай үлэтэ үчүгэй көрдөрүүлээҕин бэлиэтииллэр. Харбиҥҥа ЭКСПО Россия-Кытай былаһааккатыгар Айсен Николаев «Железные дороги Якутии» регионнааҕы хампаанньа Кытай хоту өттүн Хотугу муора суолуун «Дьэлиҥдэ» ыстаансыйанан уонна Найба портунан ситимниир бырайыагын билиһиннэрбитэ. Тустаах хайысханан Кытайтан Европаҕа диэри таһаҕаһы таһыыны 20 күнүнэн аҕыйатар. Ону таһынан, Кытайга Россия бэрэсидьиэнэ Владимир Путин сырыытыгар дойду делегациятын састаабыгар киирбитэ.