✅Айсен Николаев тыа хаһаайыстыбатын уматыгынан хааччыйарга механизмы бэлэмниири соруйда — 9 июля 2026 г. в 10:45:52.612
✅Айсен Николаев тыа хаһаайыстыбатын уматыгынан хааччыйарга механизмы бэлэмниири соруйда Ил Дархан Айсен Николаев сүөһү аһылыгын бэлэмниир хампаанньа мунньаҕар биир хонук иһигэр тыа хаһаайыстыбатын үлэһиттэрин уматыгынан хааччыйарга механизмы бэлэмнииргэ соруйда. СӨ гражданскай көмүскэл министиэристибэтигэр күн устата мунньах кэмигэр ылыллыбыт быһаарыылары уматык хампаанньаларыгар тиэрдэри соруйдулар. «Тыа хаһаайыстыбатыгар уматыгы биэрии оҥоһуллубут, бигэргэтиллибит механизмынан үлэлээн саҕалыахтаах. Биһиги аграрийдарбытыгар туох да уларыйыа суохтаах. Кинилэр үлэлиир кэмнэрэ олус кылгас, ол иһин толору уматыгынан хааччыллыахтаахтар», — диэн Айсен Николаев бэлиэтээтэ. Ону таһынан, Ил Дархан СӨ тыа хаһаайыстыбатын министиэристибэтигэр сүмэлээх от кээмэйин улаатыннарарга соруйда. Маны сэргэ сөптөөх инфраструктура баар буоллаҕына коммунальнай уонна тыа хаһаайыстыбатын тиэхиньикэтэ гаас уматыгар көһөр.