Сбер Visa валюталаах туттуллубат каарталары көрүүнү-истиини тохтотор — 26 июля 2026 г. в 02:31:50.884
Сбер Visa валюталаах туттуллубат каарталары көрүүнү-истиини тохтотор Сбербаан балаҕан ыйыттан саҕалаан туттуллубат Visa валюталаах каарталарын көрүүтүн-истиитин тохтотуоҕа. Бу туһунан хампаанньа пресс-сулууспата иһитиннэрдэ. Чэппиэргэ сорох килийиэннэр бу норуоттар икки ардыларынааҕы төлөбүр систиэмэтин валюталаах уонна элбэх валюталаах каарталарыгар өҥөнү оҥоруу балаҕан ыйын 1 күнүттэн тохтуурун туһунан СМС-иһитиннэриини туппуттара. Олортон болдьоҕун 2030 сылга диэри уһаппыттарга эрдэттэн мобильнай сыһыарыыга саптаран баран, харчыларын атын счекка көһөрөллөрө ордук диэн сүбэ быһыытынан этиллибит. «Сбербаан элбэх валюталаах счеттардаах килийиэннэри көрүүнү-истиини тохтоппот. Тарҕатыы (рассылка) үгүс бириэмэ устата килийиэннэр туттубатах, нуул көрдөрүүлээх хамсаабат валюталаах каарталарга, ону тэҥэ үлэлэрэ салгыы ыытыллыбат элбэх валюталаах каарталарга эрэ ананна», — диэн биллэриигэ этиллэр. Мантан салгыы, баар үптэр бары толору хаалбыттар уонна туһаныллар кыахтаахтар диэн бэлиэтэнэр, уларыйыылар үлэлии турар элбэх валюталаах уонна валюталаах счеттары таарыйбатын тоһоҕолоон эппиттэр. Хаартыска: Майя Дмитриева/«Якутия 24»