⛑️Саха сиригэр ааспыт сууккаҕа 9 ойуур баһаарын умуруордулар — 8 августа 2026 г. в 06:05:00.058
⛑️Саха сиригэр ааспыт сууккаҕа 9 ойуур баһаарын умуруордулар Баһаардары Алдан, Абый, Өлөөн, Эдьигээн уонна Уус Маайа оройуоннарыгар умуруордулар. Бу туһунан СӨ экологияҕа миниистири солбуйааччы Андрей Коноплев иһитиннэрдэ. Күн бүгүн региоҥҥа 735 020 гектар иэннээх 70 ойуур баһаара умайара биллэр. Ньурба, Мииринэй, Кэбээйи, Өлөөн, Сунтаар, Орто Халыма оройуоннарыгар баһаардары умуруоруу көхтөөхтүк барар. Үлэҕэ 475 киһи уонна 57 тиэхиньикэ кыттар. Өлөөн улууһун Ээйик сэлиэнньэтин аттыгар умайар ойуур баһаарыгар ураты болҕомто ууруллар. Уоту умуруорууга 130 киһи, 12 вездеход уонна 5 массыына кыттар. Бэҕэһээ биир учаастакка уот 350 миэтэрэҕэ диэри улааппыт, ол эрээри кинини төгүрүйбүттэр. Сэлиэнньэҕэ куттал суоһаабат.
216 просмотров