Саха сиригэр суукка иһигэр сэттэ ойуур баһаарын умуруордулар — 7 августа 2026 г. в 02:42:00.947
Саха сиригэр суукка иһигэр сэттэ ойуур баһаарын умуруордулар Ааспыт сууккаҕа Мииринэй, Ньурба уонна Өлөөн улуустарыгар 2 957,5 га иэннээх сэттэ ойуур баһаарын умуруордулар. Бу туһунан брифиҥҥэ СӨ Экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы, өрөспүүбүлүкэ кылаабынай лесничэйэ Андрей Коноплев иһитиннэрдэ. Ньурба, Мииринэй, Кэбээйи, Өлөөн, Сунтаар, Орто Халыма уонна Уус Маайа улуустарыгар барыта холбоон 72 180 га иэннээх тоҕус улахан ойуур баһаарыгар күүстээх умуруоруу үлэтэ салҕанар. Андрей Коноплев этэринэн, Ээйик сэлиэнньэтин таһыгар баар ойуур баһаарыгар үлэлэр бара тураллар, нэһилиэнньэлээх пууҥҥа уонна экэниэмикэ эбийиэктэригэр куттал суох. «Бэҕэһээ лааҕыры харабыллааһын соруга толору туолла. Ойуур баһаарын диэки өртөөһүн оҥоһулунна. Өрт лааҕыртан этэҥҥэ ааста уонна ойуур баһаарын сүрүн кытыытын кытта холбосто. Билигин экэниэмикэ эбийиэктэригэр, нэһилиэнньэлээх пууҥҥа уонна оҕо лааҕырыгар куттал суох. Оҥоһуллубут өртөөһүнү харабыллыыр үлэлэр салҕаналлар», — диэн кини эттэ.