Арктика түөрт оройуона оттук сезонугар номнуо киирдэ — 24 августа 2026 г. в 08:27:01.587
Арктика түөрт оройуона оттук сезонугар номнуо киирдэ Арктика түөрт оройуонугар оттук сезона саҕаланна. Аллайыаха улууһугар оттук кэмэ атырдьах ыйын 8 күнүттэн, Анаабырга — атырдьах ыйын 15 күнүттэн, Аллараа Халымаҕа — атырдьах ыйын 18 күнүттэн, Өлөөҥҥө — атырдьах ыйын 20 күнүттэн саҕаланна. Өрөспүүбүлүкэ атын оройуоннарын 2026/2027 сыллардааҕы оттук сезонугар бэлэмнээһини олохтоммут графигынан салгыы ыыталлар. Өрөбүллэргэ СӨ ОДьКХ уонна энергетика миниистирэ Вячеслав Емельянов Өлүөхүмэ улууһугар үлэтин сырыытын чэрчитинэн бырабыыталыстыба хамыыһыйатын оттук сезонугар бэлэмнэниигэ мунньаҕын ыытта. Мунньахха Алдан, Нүөрүҥгүрү, Өлүөхүмэ, Сунтаар, Ньурба, Үөһээ Бүлүү уонна Бүлүү улуустарын бэрэстэбиитэллэрэ кытыннылар. Кыттыылаахтар эбийиэктэр коммунальнай инфраструктураларын Ростехнадзор киритиэрийдэринэн бэлэмнэрин уонна куттал тахсыах билиҥҥи таһымын көрдүлэр. Ураты болҕомтону уматыгы тиэйиигэ уурдулар.