Саха сиригэр тоҕус ойуур баһаарын умуруоруу салҕанар — 24 августа 2026 г. в 03:25:55.567
Саха сиригэр тоҕус ойуур баһаарын умуруоруу салҕанар Саха сиригэр 151 507 гектар уопсай иэннээх тоҕус ойуур баһаарын умуруоруу үлэтэ салҕанар. Бу баһаардар Үөһээ Бүлүү, Кэбээйи, Ньурба уонна Мииринэй оройуоннарыгар бааллар. Бу туһунан брифиҥҥэ СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Ойууру харыстааһын, көмүскээһин уонна чөлүгэр түһэрии департаменын салайааччытын солбуйааччы Владимир Иванов иһитиннэрдэ. Ааспыт суукка устата өрөспүүбүлүкэҕэ биир ойуур баһаара умуруорулунна. Суукка саҕаланыыта Үөһээ Бүлүү, Кэбээйи, Мииринэй, Ньурба уонна Өлөөн улуустарыгар 59 ойуур баһаара баара бэлиэтэнэр. Умуруорууга көхтөөх үлэ бара турар: тоҕус баһаартан Үөһээ Бүлүү, Кэбээйи уонна Мииринэй оройуоннарыгар баар 20 730 гектар уопсай иэннээх үс баһаары төгүрүйдүлэр. «Бу нэдиэлэҕэ бу баһаардары умуруорар былааннаахпыт», — диэн Владимир Иванов эттэ. Ойуур баһаардарын умруорууга 519 киһи уонна 35 тиэхиньикэ тардылынна.