Айсен Николаев Саха сирин шахтердарын идэлээх бырааһынньыктарынан эҕэрдэлээтэ — 30 августа 2026 г. в 03:00:03.500
Айсен Николаев Саха сирин шахтердарын идэлээх бырааһынньыктарынан эҕэрдэлээтэ Ил Дархан Айсен Николаев чох бырамыысаланнаһын үлэһиттэрин уонна бэтэрээннэрин Шахтер күнүнэн эҕэрдэлээтэ. Быйылгы бырааһынньык икки суолталаах бэлиэ түгэни кытта сөп түбэстэ: «Якутуголь» хампаанньа 60 сыла уонна Нүөрүҥгүрү оройуонугар чох хостонор баайдаах сирдэри баһылааһын саҕаламмыта 90 сыла. «Шахтердарга, горняктарга, инженердэргэ, байытааччыларга, суоппардарга, тэрилтэлэр исписэлиистэригэр уонна салаа бэтэрээннэригэр эһиги чэпчэкитэ суох уонна эппиэтинэстээх үлэҕит, идэҕитигэр бэриниилээх буоларгыт уонна Саха сирин сайдыытыгар кылааккыт иһин махталбын тиэрдэбин. Эһиэхэ кытаанах доруобуйаны, куттала суох үлэни, дьиэ кэргэҥҥитигэр чэгиэн-чэбдик буолууну уонна үлэҕитигэр ситиһиилэри баҕарабын!»,- диэн Саха сирин баһылыга эҕэрдэлээтэ.