Саха сиригэр ааспыт сууккаҕа саҥа ойуур баһаара көстүбэтэх — 8 сентября 2026 г. в 07:08:56.897
Саха сиригэр ааспыт сууккаҕа саҥа ойуур баһаара көстүбэтэх Өрөспүүбүлүкэ сиригэр-уотугар ааспыт сууккаҕа саҥа ойуур баһаара бэлиэтэммэтэ. Ону авиационнай мониторинг уонна сир патруллааһын дааннайдара туоһулууллар. Ааспыт күн уоту кытары бохсооччулар күүстэринэн Мииринэй, Ньурба, Өлөөн уонна Хаҥалас оройуоннарыгар 24 тыһыынча гектартан тахса иэннээх сиргэ 7 баһаары умуруордулар. Билигин 1 мөлүйүөн 227 тыһыынча га иэннээх сиргэ 18 ойуур баһаара күөдьүйэр. Уоту умуруоруу үлэтэ Үөһээ Бүлүү, Мииринэй уонна Ньурба оройуоннарыгар 5 термоточканан ыытыллар. Манна 581 киһи уонна 41 тиэхиньикэ үлэлиир.
310 просмотров