Дьокуускайга маастар-былаанынан 12 оскуоланы уонна 14 уһуйааны тутуохтара — 17 сентября 2026 г. в 03:30:31.616
Дьокуускайга маастар-былаанынан 12 оскуоланы уонна 14 уһуйааны тутуохтара Өрөспүүбүлүкэ киин куоратыгар маастар-былаанынан 12 оскуола уонна 14 уһуйаан тутуута көрүлүннэ. Бу эбийиэктэр үлэҕэ киирдэхтэринэ үөрэнээччилэргэ 7,5 тыһ кэриҥэ саҥа миэстэ уонна уһуйаан иитиллээччилэригэр 4 тыһ курдук саҥа миэстэ тахсыаҕа. Киин куоракка тутуу хаамыытын уонна үөрэх инфраструктуратын сайыннарыы инники түһүмэхтэрин СӨ Бырабыыталыстыбатын бэрэссэдээтэлин солбуйааччы Анатолий Семенов уонна Дьокуускай куорат баһылыга Дмитрий Садовников кыттыылаах мунньахха кэпсэттилэр. Маастар-былаанынан көрүллүбүт икки оскуола номнуо тутуллубута. Билиҥҥи кэмҥэ Физико-техническай лиссиэй, 17 №-дээх оскуола эбии дьиэтэ уонна Чайковскай уул. оскуола тутулла турар. Маны сэргэ түөрт уһуйааны туталлар – «Северный» кыбаарталга, Новокарьернай уул., «Воинская часть» кыбаарталга уонна 145-с кыбаарталга. Уопсайа үлэҕэ 24 эбийиэк баар. Мантан сэттэни 2027 сылга үлэҕэ киллэрэри былаанныыллар, 17-ни 2028–2030 сылларга. Үлэ барыта «Молодёжь и дети» уонна «Семья» национальнай бырайыактар чэрчилэринэн ыытыллар.