Саха сирэ уонна Белоруссия киинэ уһулуохтара — 1 октября 2026 г. в 02:14:55.057
Саха сирэ уонна Белоруссия киинэ уһулуохтара Ил Дархан Айсен Николаев Беларусь Өрөспүүбүлүкэтигэр үлэ сырыытын чэрчитинэн «Беларусьфильм» национальнай киинэ устуудьуйатыгар сырытта, манна киинэни оҥоруу толору циклин тэрийиини, павильоннар үлэлэрин уонна тэрилтэ техническэй инфраструктуратын кытта билистэ. Көрсүһүү түмүгүнэн «Сахафильм» генеральнай дириэктэрэ Алексей Егоров уонна «Беларусьфильм» генеральнай дириэктэрэ Дмитрий Семенов бииргэ үлэлэһии туһунан сөбүлэҥҥэ илии баттаатылар, онтон сүрүн пуунунан уус-уран киинэни устуу буолла. «Сценарий бырайыага номнуо баар, режиссердар икки өттүттэн быһаарылыннылар. Киинэ чопчу аатын билигин ааттыыр кыахпыт суох, ол эрээри киинэ уопсай сыаннастары, норуоттар доҕордоһууларын уонна үтүө устуоруйаны таарыйарын этиэхпитин сөп. Биһиги былааммыт барыта хайаан да олоххо киириэ, Россия уонна Беларусь көрөөччүлэрэ бу киинэни экраҥҥа көрүөхтэрэ диэн эрэнэбит», – диэн «Сахафильм» генеральнай дириэктэрэ Алексей Егоров эттэ. Хаартыска: оҥоһуу өй https://nvk-online.ru/saha-sire-uonna-belorussiya-kiine-u-uluohtara/